Trefishohen regjistrimet në arsimin profesional
06/11/2016 00:00
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Tre vite më parë regjistrimi në arsimin profesional ishte 8 përqind, ndërsa vitin e fundit është trefishuar. Kjo është arsyeja pse Ministria e Mirëqënies sociale po investon në shkollat e këtij profili, ndërsa këtë herë është ndalur në Shkodër.
“Kjo shkollë do të marrë një investim nga buxheti i shtetit rreth 1 miliard lekë, që do të përfundojë brenda qershorit të vitit tjetër, në mënyrë që në shtator të vitit 2017 të dyfishojmë numri e nxënësve që zgjedhin arsimin profesional në qarkun e Shkodrës. Për ne ka shumë rëndësi cilësia e ofrimit të mësimit, prandaj këto investime do të shoqërohen me investime në laboratore dhe trajnime të mësuesve dhe stafit pedagogjik të kësaj shkolle”, deklaroi ministri Blendi Klosi.
“Unë jam shumë e kënaqur që arsimit profesional dhe sidomos shkollës sonë po i jepet një rëndësi e veçantë. Pas këtij rikonstruksioni ne do t’i ofrojmë një infrastrukturë të mirë këtyre nxënësve që të bëhen qytetarë të denjë dhe profesionistë të mire”, u shpreh Jasemina Lumani Drejtore e shkollës “Hamdi Bushati”.
Me qëllim rritjen e cilësisë së arsimit profesional mësohet gjithashtu se brenda vitit të ardhshëm do të trajnohen dhe do të testohen të gjithë mësuesit e arsimit profesional.
Top Channel
