Pasuesi i Jupit? FSHF shtyn vendimin pas ndeshjes me Izraelin
25/10/2016 00:00
“Shuplakat” e radhës ndaj Barçës, Girona shpall Realin kampion 04/05 20:49
Takimi i parë i Presidentit të Federatës Shqiptare të Futbollit Armand Duka dhe stafitë të tij teknik të federatës nuk ka nxjerrë asgjë konkrete sa i përket kandidatit për postin e trajnerit të përfaqësueses U21 i lënë bosh nga përfundimi i kontratës së Redi Jupit.
Janë përfolur këto ditë emrat e dy pjesëtarëve të stafit kuqezi, ish-lojtarët e kombëtares Alban Bushi, aktualisht menaxher i kombëtare dhe Erjon Bogdani ndihmës i De Biazit.
Veç tyre ekziston mundësia e spostimit të trajnerit të kombëtares U17, Xhemal Mustedanagiç, një i preferuar i Presidentit Duka, por ende asgjë konkrete.
I ngarkuar për gjetjen e trajnerëve të huaj, më saktë italian, është Paolo Tramexani, por problemi kryesor me të huajt është oferta jo shumë e lartë financiare që FSHF mund të japë për trajnerin e kombëtares U21.
Nga takimi i fundit presidenti Duka ka kërkuar më shumë kohë për të zgjedhur këtë trajner dhe me shumë gjasë vendimi do të merret pas ndeshjes me Izraelin.
Top Channel
