Përmbytjet në Laç, Basha: Këto janë investimet e rilindjes
11/10/2016 00:00
Pezulloi veten nga detyrat publike për shkak të akuzave ndaj bashkëshortes, Rama i del në krah kryeministrit spanjoll: Mos u dorëzo! 25/04 22:27
Reshjet e dendura të shiut të rënë gjatë orëve të mbrëmjes së kaluar sollën përmbytje të mëdha në qytetin e Laçit, ndërsa humbi jetën aksidentalisht edhe një person.
Me anë të një postimi në “Facebook”, kreu i Partisë Demokratike, Lulzim Basha ka reaguar mbi situatën e krijuar nga përmbytjet në qytetin e Laçit, duke thënë se ndërkohë që Edi Rama rrihte gjoksin për suksese imagjinare, qindra familje të Laçit dhe Fushë Krujës u lanë në mëshire të fatit.
“Këto janë investimet e rilindjes: me shiun e parë qytetet përmbyten, shtëpitë e bizneset po ashtu. Qytetarët janë braktisur nga kjo qeveri e papërgjegjshme që kujtohet për ta vetëm për t’ju marrë votën”, shkruan Basha.
Teksa shpreh ngushëllime për familjen e 48 vjeçarit që ndërroi jetë, Basha i bën thirrje të marrë në dorë situatën.
“Fatkeqësisht përmbytjet mbrëmë shkaktuan një tjetër viktimë, ashtu si edhe një vit më parë. Duke shprehur ngushëllimet për familjen e Kol Mengës që humbi jetën tragjikisht për shkak të përmbytjeve, i bëj thirrje qeverisë të lërë propagandën dhe të marrë në dorë situatën për të ndalur çdo fatkeqësi tjetër dhe për t’ju ardhur në ndihmë banorëve të goditur”.
Top Channel
