Veseli pret futbollistët e Kosovës: Jemi një Brazil i vogël
06/09/2016 00:00
Eksperti evropian: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave 04/05 20:52
Kryetari i Kuvendit të Kosovës, Kadri Veseli doli në pritje të heronjve të përfaqësueses së Kosovës në futboll.
Ai ishte shumë i emocionuar, që kishte dalë për të pritur lojtarët kosovarë, të cilët mbrëmjen e kaluar shkruan historinë duke debutuar në mënyrën të suksesshme në kualifikimet e Botërorit “Rusi 2018”, pas barazimit 1-1 me Finlandën.
“Emocion i papërshkrueshëm t’i presësh heronjtë e rinj të Kosovës, sportistët tanë që përfaqësojnë të sotmen dhe të ardhmen tonë. Ndeshja e parë e tyre është dëshmi e fortë se, Kosova është një Brazil i vogël që prodhon talent për disa kombëtare”, thotë Veseli.
Veseli e ka njoftuar gjithashtu Federatën e Futbollit të Kosovës dhe lojtarët se do të ketë shpërblime për sukseset e tyre.
“I sigurova lojtarët dhe kreun e Federatës së Futbollit, Fadil Vokrrin, se shteti i Kosovës do t’i shpërblejë të gjitha sukseset e tyre”, ka shkruar Veseli në një postim në “Facebook”.
Top Channel
