Ngjitja e shkallëve, thyhen rekorde në Pekin
03/09/2016 00:00
Ky është gabimi më i zakonshëm që bëjnë çiftet që hasin probleme në raportin seksual! 26/04 08:00
Synimi është prerja e finishit në majën e një qiellgërvishtësi dhe ngjitja sigurisht që duhet të bëhet nga shkallët. Kjo është disiplina më e re sportive që ka bërë për vete shumë persona vitet e fundit.
Gara e 7-të për këtë vit në Cirkuitin Botëror u zhvillua në kryeqytetin e Kinës, Pekinin, ku morën pjesën 650 pjesëmarrës nga 20 vende të ndryshe. Objektivi ishte prerja e finishit në majën e kullës 330 metra të lartë, teksa duhet të ngjisnin 82 kate, dhe 2041 shkallë.
Për meshkuj fitues u shpall polaku Piotr Lobodzinski, që arriti të vendosë dhe një kohë rekord prej 9 minuta e 47 sekonda, duke mbrojtur jo vetëm titullin e tij por duke përmirësuar me 6 sekonda, po rekordin që mbahej prej vetë atij.
I dyti pas tij në finish mbërriti, Mark Bourne i Australisë, me 10 minuta e 13 sekonda, ndërsa i treti kinezi Jia Erenjia. Dhe në renditjen e përgjithshme, është Lobondiznki ai që kryeson me 400 pikë në total.
Sa i përket femrave, e para në finish mbërriti kampionia në fuqi, australiania Suzy Walsham, që la pas kinezen Gao Meng dhe bashkombasen e saj Alice McNamara. Kjo ishte fitorja e katër radhazi për Walsham gjatë këtij viti.
Top Channel
