F1, Hamilton dominon në shtëpinë e tij. Barazon rekordin e Mansell
10/07/2016 00:00
“Shuplakë” Frosinones, Interi triumfon me “manita” 10/05 22:58
Lewis Hamilton fiton Çmimin e Madh të Britanisë, pas një dominimi absolut të britanikut në garën e shtëpisë së tij, në pistën e Silverstone. Kjo është hera e katërt që piloti i Mercedesit triumfon në vendin e tij, duke barazuar rekordin e vendosur më parë nga Nigel Mansell.
Pas tij u rendit shoku i tij i skuadrës Rosberg, i cili humbi përkohësisht pozicionin ndaj Verstappenit gjatë garës, por arriti ta rimarrte dhe ta mbante deri në fund, edhe pse pati probleme me kambion, duke mos i funksionuar marshi i shtatë.
Podiumin e plotëson Max Verstappen me Red Bull, në një ditë të mirë për për skuderinë austriake, pasi renditi në vendin e katërt pilotin tjetër të saj, Ricciardo.
Një zhgënjim total mund të quhet kjo garë për Ferrarin dhe dy pilotët e saj, pasi Raikkonen nuk mundi të bëjë më shumë sesa vendi i pestë, ndërsa Vetteli edhe më keq sesa ai, duke marrë vetëm vendin e 9.
Top Channel
