“Disa shqiptarë dëshirojnë që ta ndryshojnë historinë serbe”, ka deklaruar ministri i Punës dhe Çështjeve Sociale të Serbisë, Aleksandar Vulin. Ai ka shtuar se kjo po bëhet për shkak se shqiptarët ndiejnë mungesën e historisë së tyre.
Ky reagim i Vulinit për “B92” erdhi ndaj kreut të AAK-së, Ramush Haradinaj, i cili kërkoi që të ndërtohet një monument në Gazimestan për shqiptarët që kanë vdekur në Betejën e Kosovës.
Haradinaj e bëri këtë sugjerim gjatë ditës së djeshme, teksa serbët po e manifestonin “Vidovdanin”. Në Gazimestan ka një monument dedikuar ushtarëve të rënë në Betejën e Kosovës më 1389.
Në reagimin e tij Vulin theksoi se ata që nuk kanë histori të tyre tentojnë që të ndryshojnë atë që u takon të tjerëve.
“Duhet ta kemi të qartë se sa e rëndësishme ishte për ne që të sigurohemi që Kosova të mos jetë pjesë e UNESCO-s. Imagjinojeni se çfarë do të ndodhte nëse Kosova do të bëhej pjesë e saj, atëherë e gjithë historia serbe do të kthehej në histori të Kosovës. Ndërsa manastiret ortodokse serbe do të bëheshin manastire të Kosovës”, është shprehur ministri serb.
Top Channel