Do të duhet të vinte java e gjashtë në MLS që Shkëlzen Gashi të shënonte golin e parë në elitën e futbollit amerikan me Colorado Rapids, madje një gol me vlerën e tre pikëve në transfert ndaj Sporting Kansas, që kryeson aktualisht kampionatin.
Colorado shënoi në pjesën e parë, në minutën e 42 me anë të Solignac, ndërsa vendasit shtuan ndjeshëm presionin me fillimin e 45 minutave të dyta, por golin e barazimit arritën ta gjejnë vetëm në minutën e 78.
Por, sulmuesi i kombëtares shqiptare nuk i la shumë kohë tifozëve në stadium t’i gëzoheshin golit të barazimit, pasi vetëm 4 minuta më pas, Gashi goditi saktë brenda zonës, duke mposhtur portierin vendas.
Tre pikësh mjaft i rëndësishëm për ekipin ku luan shqiptari, pasi aktualisht ata janë ngjitur në vendin e katërt në renditje, por janë vetëm dy pikë larg vendit të parë, i cili mbahet pikërisht nga Sporting Kansas.
Top Channel