Simeone “trondit” Madridin
29/02/2016 00:00
De Rossi: Me El Shaarawy-n më doli mirë, kjo Romë do të ngrinte kokë edhe me Mourinhon 25/04 22:49
Diego Pablo Simeone është njeriu i momentit në Madrid. Ai është njëri nga trajnerët më të kërkuar, me Interin që ka nisur sulmin, por që njëkohësisht me fitoren në fundjavë ndaj Realit ka vulosur fatin e Zidane.
Pas të përditshmes “Sport” është “AS” ajo që raportoi se Inter këmbëngul për të sjellë në Milano teknikun argjentinas të Atletiko Madrid.
Gjithnjë sipas “AS”, presidenti i klubit milanez Erik Tohir i ka ofruar Simeones një kontratë 5-vjeçare me një pagë prej 20 milionë euro në sezon.
Ndërkohë humbja në derbin me Atleticon e Simeones ka sjellë pakënaqësitë e para rreth Zinedin Zidane në kampin e “los blancos”.
Trajneri i “galaktikëve” është cilësuar si një prej fajtorëve kryesorë dhe emri i tij është tashmë në bankën e të akuzuarve.
Sipas të përditshmes spanjolle “Sport”, Florentino Perez po mendon që tani për zëvendësimin e francezit në fund të sezonit dhe trajneri i preferuar i tij është Ernesto Valverde, kontrata e të cilit me Atletiko Bilbaon përfundon në muajin qershor.
Top Channel
