Itali, asgjesohen dy banda shqiptare
05/07/2013 00:00
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Investoheshin në sektorin e pasurive të patundshme në Shqipëri dhe Itali të ardhurat e dy organizatave kriminale të shkatërruara nga forcat italiane të rendit në gjashtë rajone në veri të vendit.
Të paktën 43 persona, gati të gjithë shqiptarë, kanë përfunduar në pranga me akuzën e trafikut ndërkombëtar të drogës dhe bashkëpunimit në aktivitete të paligjshme.
Autoritetet e vendit fqinj njoftojnë se dy grupet shqiptare kishin bashkëpunimin e rreth 100 personave, shqiptarë por edhe ndonjë italian e rumun.
Është bërë e ditur se shfrytëzoheshin persona që kishin vështirësi ekonomike, ndonjeherë edhe familje me fëmijë të vegjël, që në këmbim të 2000-3000 eurove sillnin nga Shqipëria sasi të mëdha droge.
Kanali i komunikimit i përdorur nga anëtarët e dy organizatave nuk kanë qenë telefonatat, por interneti. Nëpërmjet rrjetit social Facebook dhe lidhjeve të tjera virtuale organizoheshin ngarkesat, udhëtimet e korrierëve dhe shpërndarja e drogës.
Llogaritet që organizatat kishin një xhiro prej rreth 2 milionë euro në muaj. Pas arrestimeve të sotme hetuesit po punojnë për zbulimin e plotë të rrjetit dhe personave të tjerë që mendohet se kanë bashkëpunuar.
Top Channel
