Profilaksia e bebeve

Kjo kërkon jo vetëm specializim të mjekëve gjinekologe, por dhe aparaturë të posaçme duke përfshirë Eko 4D e cila përcakton që në muajin e pestë nëse bebja është keqformime psiqike apo ka keqformime të zemrës si dhe probleme të tjera.

“Janë disa keqformime që 4D ka mundësi t’i japë një pamje të përgjithshme të fëmijës gjatë shtatzanisë, kështu që ka mundësi të përcaktosh saktësisht vetëm me ekon diagnozën dhe të bësh ndërhyrje përsa i përket shtatzanisë në bazë të kësaj diagnoze. Është shumë e rëndësishme se në këtë mënyrë nuk është e nevojshme që shtatzania të përparojë deri në një fazë. Nëna nuk ndjen komplet proçesin e lindjes, por ndërpret shtatzaninë kur është e nevojshme para kohë, kështu që nuk vendoset në rrezik as jeta e nënës. Është shumë punë për të bërë. Mjekët që kemi janë mjaft të mirë, por nuk ekzistojnë ambjentet e sakta me standardet ndërkombëtare që të punojnë specialistët ashtu siç duhen”, u shpreh Vasil Angjeli, kirurg obsteter-gjinekolog, spitali Hygeia.

Mjekë gjinekologë obsteter të huaj e shqiptarë do të diskutojnë lidhur me çështjet e gruas dhe fëmijës së posalindur në një konferencë shkencore në spitalin Hygeia në Tiranë.

Sipas zotit Angjeli, kujdesi perinatal në spitalet shtetërore pothuajse nuk ekziton, ndërkohë që rekomandon vijueshmërinë përdorimit të kontraceptivëve tek femrat.

“Përsa i përket kujdesit prenatal flasim dhe para dhe pas lindjes. Veçantia e këtij spitali është se kemi specialistë që janë në gjendje të përcaktojnë problemet e fëmijës para lindjes dhe i trajtojnë ato para dhe pas lindjes. Hygeia është i vetmi spital në Shqipëri që merr gjithë kujdesin prenatal dhe kjo nuk bëhet në asnjë spital tjetër në Shqipëri”, theksoi Angjeli.

Në konferencën shkencore që do të mbahet në 2 korrik pranë spitalit Hygia mjekët shqiptare dhe ata greke do të shkëmbejnë eksperiencat e tyre përveç çështjeve të obstetrikës dhe gjinekologjisë, edhe për neonatologjinë, anestezinë dhe specialitete të tjera për gruan dhe të porsalindurin.

Top Channel