“Skifterë” automjetesh, pranga dy të rinjve
22/10/2019 14:03
Hetimet në Kadastër/ GJKKO jep masat për katër punonjës, detaje nga aksioni i SPAK, kush ra në prangat e policisë (Emrat) 26/04 23:37
2 shtetas janë arrestuar në flagrancë nga policia, pasi dyshohen si autorë të dyshuar të vjedhjes së disa mjeteve motorrike.
Njoftimi/ Fier
Arrestohen në flagrancë 2 shtetas si autorë të dyshuar të vjedhjes së disa mjeteve motorrike.
Specialistët për Hetimin e Krimeve në Komisariatin e Policisë Fier, pas një punë hetimore dhe në sajë të informacioneve të marra në rrugë operative, arrestuan shtetasit:
•M.R., 23 vjeç, banues në Patos.
•R.O., 25 vjeç, banues në Patos.
Arrestimi i këtyre shtetasve u bë pasi në bashkëpunim me njëri tjetrin kanë vjedhur motorrin e shtetasit A.K i cili u sekuestrua në cilësinë e provës materiale.
Gjithashtu, të dy këta shtetas janë autorë të dyshuar edhe në lidhje me ngjarjet e mëposhtëme:
•Në datën 06.03.2019 dyshohet se kanë vjedhur automjetin e shtetasit E.K në lagjen “29 Nëntori” Fier.
•Në datën 11.06.2019 dyshohet se kanë vjedhur automjetin e shtetasit P.V në lagjen “8 Shkurti” Fier.
•Në datën 06.08.2019 dyshohet se kanë vjedhur automjetin e shtetsdit Sh.B në lagjen “Liri Gero” Fier.
Po punohet për dokumentimin e disa vjedhjeve të tjera ku dyshohet se autorë janë shtetasit e lartëpërmendur.
Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje e kryer në bashkëpunim”.
Top Channel
