Hetimet në Kadastër/ GJKKO jep masat për katër punonjës, detaje nga aksioni i SPAK, kush ra në prangat e policisë (Emrat) 26/04 23:37
Pashka është festa që simbolizon ringjalljen e Krishtit, ndërsa në Korçë ajo kremtohet masivisht. Familjet korçare kanë ditur të respektojnë ritet dhe të ruajnë traditat e zakonet, ndërkohë që në qytet nuk mungojnë aktivitetet e larmishme.
Karakteristikë është veza e kuqe, që çdo besimtar duhet ta konsumojë. Traditë është edhe blerja e suvenireve prej qeramike e balte si edhe mishi i qengjit, për shkak se kjo kafshë është simbol i së mirës, i qetë dhe i pastër.
Dreka nënkupton se duhet që të bashkohen të gjithë në një tavolinë, që të jenë sa më pranë me njerëzit e dashur, ndërkohë që në Korçë nuk mungojnë as aktivitetet kulturore dhe artistike gjatë këtyre ditëve.
Korça pret këtë fundjavë me mijëra turistë dhe vizitorë që duan të pushojnë apo festojnë Pashkët në këtë qytet. Kremtimi i Pashkës do të kulmojë mbrëmjen e së shtunës, kur besimtarët do të mblidhen në shesh për të marë qirinjtë e ndezur si pjesë e ritualit.
Drita e qirinjve del nga kisha dhe merret nga të gjithë besimtarët ortodoksë për t’u futur në shtëpi si shenjë e ndriçimit të jetës.
Top Channel
