Merkel rikthehet në Greqi, Athina kërkon dëmet e luftës
11/01/2019 17:50
Hetimet në Kadastër/ GJKKO jep masat për katër punonjës, detaje nga aksioni i SPAK, kush ra në prangat e policisë (Emrat) 26/04 23:37
“Gjermania e njeh përgjegjësinë e saj historike për krimet e kryera nga nazistët në Greqi”, tha Kancelarja gjermane Angela Merkel të premten, në vizitën e parë të saj në Athinë që nga viti 2014.
“Ne e pranojmë përgjegjësinë tonë historike. Ne e dimë sesa shumë vuajtje, i kemi sjellë ne si Gjermani në kohën e nazizmit Greqisë. Ndaj, ky duhet të jetë një mësim për ne, që të bëjmë gjithçka që mundemi, për të pasur marrëdhënie të mira me vendin tuaj dhe t’i ofrojmë njëri-tjetrit mbështetje për prosperitetin e ndërsjellë”, tha Merkel.
Tensionet në lidhje me pagimin e dëmeve të luftës nga ana e Berlinit janë të dukshme, me këtë të fundit që argumenton se çështja është zgjidhur në vitin 1960, në një marrëveshje me disa qeveri europiane.
Në vitin 2014, ish-presidenti Joakim Gauck u kërkoi ndjesë publike në emër të Gjermanisë familjeve të viktimave të nazistëve në malet veriore të Greqisë. Sidoqoftë, kërkesa për dëmshpërblim është përsëritur edhe nga ana e presidentit grek, pak para takimit me Kancelaren gjermane.
“Kërkesat tona mbi pagimin e dëmeve të luftës nga ana e Gjermanisë, për krimet e nazistëve në Greqi, janë ligjërisht aktive dhe ne po punojmë në këtë drejtim. Kjo duhet zgjidhur në instancat e duhura”, tha Prokopis Pavlopoulos, president i Greqisë.
Para presidentit, Kancelarja Merkel u takua me kryeministrin Alexis Tsipras, ku ajo vlerësoi sakrificat që bënë grekët gjatë krizës ekonomike të vendit në vitet 2010-2014. Ajo përshëndeti po ashtu edhe marrëveshjen për emrin e fqinjit verior të Greqisë, Maqedonisë.
Top Channel
