Aksident në Elbasan, 1 e vdekur
18/07/2013 23:30
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një grua ka gjetur vdekjen, si pasojë e një aksidenti të ndodhur mbrëmjen e së enjtes në aksin Elbasan-Librazhd.
Mjeti, tip Ford Focus, me targa AA 097 EF, doli nga rruga pranë fshatit Xibrakë, për pasojë shtetësja Donika Krasta gjeti vdekjen e menjëhershme, si pasojë e plagëve të marra.
Mjeti i aksidentuar drejtohej nga bashkëshorti i viktimës, shtetasi Adil Krasta, ndërkohë që në të udhëtonin edhe dy fëmijët e çiftit, të cilët nuk kanë pësuar lëndime.
I plagosur në këtë aksident ka mbetur nipi i drejtuesit të mjetit, 25-vjeçari Oli Çami, i cili ka marrë plagë të lehta dhe ndodhet në spital.
Policia bën me dije se mjeti, i cili lëvizte me shpejtësi tej normave, ka dalë nga rruga, duke u përplasur fillimisht me një mur, e më pas ka përfunduar në kanal.
Gjithsesi, policia dhe ekspertët e saj nisën hetimet, për zbardhjen e plotë të shkaqeve të aksidentit.
Top Channel
