Idrizi në Top Story, rezoluta çame, zgjedhjet, aleancat…

E para, për herë të parë, në prag të zgjedhjeve, një fushatë e bazuar mbi retorikën nacionaliste është bërë devizë e disa partive. Këto ide, duket se kanë gjetur mbështetje në një shtresë të caktuar të shqiptarëve dhe në pjesën e madhe të “elektoratit gri”, asaj shtrese të popullsisë që nuk voton asnjë mes dy partive të mëdha.

Elementi i dytë i ri, është që në bazë të sistemit zgjedhor, pasi ai u provua më parë në 2009-n, partitë janë në gjendje të bëjnë përllogaritje më të qarta politike, mbi peshën që mund të kenë në zgjedhje.

Në këtë klimë dhe ndërsa përflitet gjithmonë e më shumë krijimi i një poli të tretë, që do të përmbledhë një sërë “partish të vogla”, të cilat mund të jenë përcaktuese, në mos për formimin e qeverisë së ardhshme, për emrin e kryeministri shqiptar pas zgjedhjeve të qershorit 2013, Sokol Balla ftoi në emisionin e tij të përjavshëm, në “Top-Story”, kryetarin e Partisë Drejtësi Integrim dhe Unitet, Shpëtim idrizin.

Shovinizmi i deputetit të “Agimit të Artë” grek

Në ditët pas një deklarate shoviniste të përfaqësuesit të “Agimit të Artë”, Kristo Papas, ndaj shqiptarëve, pyetja e parë e Ballës lidhej natyrshëm me atë qëndrim, të cilin zoti Idrizi e komentoi edhe drejtëpërsëdrejti emocionalisht në studion ku u transmetua intervista me politikanin grek. “Çdo shqitpar, çdo njeri i ndjeshëm ndaj vendit të vet do të kishte një reagim emocional, jo ndaj një deputeti të “Agimit të Artë”, që për mua vjen si një fosil nga historia, por një reagim njerëzor, sepse për herë të parë pashë kulturën e gabuar që ai transmetonte, kulturë që i ka sjellë shumë të këqija popujve tanë dhe njerëzimit. i referohem idiologjisë nazifashiste, të urrejtjes dhe shkatërrimit të fqinjit. Nuk emocionohem, por nuk mund të jemi të pandejshëm dhe prandaj refuzimi i kësaj kulture ka qenë disi emocional”.

Qëndrimi i Dules për mos të bashkëpunuar me PDIU-n

Në të njëjtën ditë në të cilën intervista e Papas transmetohej për publikun shqiptar, kryetari i Partisë Bashkimi për të Drejtat e Njeriut, Vangjel Dule, përjashtoi bashkëpunimin në një koalicion zgjedhor me PDIU-n, direkt në “Shqip”, në “Top-Channel”. “Besoj se nuk duhet t’i referohemi një politike dhe kulture refuzuese. Ne duhet të pranojë njëri-tjetrin, me debat dhe çështje programore. Është pikërisht kjo kulturë e refuzimit dhe mospranimit ajo që ne refuzojmë”, komentoi këtë qëndrim Idrizi.

Deklaratat nacionaliste, përballë atyre të Papas

Në vazhdim të emisionit, Balla pyeti kryetarin e PDIU-s se deri në çfarë pike mund të krahasohen deklaratat nacionaliste të disa fragmenteve të politikës shqiptare, me ato shoviniste të zotit Papas, që sugjeronte se ushtria greke duhet të pushtojë të gjithë territorin deri në lumin Shkumbin. “Nuk balancohen absolutisht”, theksoi Idrizi. “Pasi siç ju thashë, kultura që unë përfaqësoj dhe që është e të gjithë shqiptarëve, që s’ka qenë asnjëherë shoviniste, është një diferencë e madhe dhe pakrahasueshme që ndan Shpëtim Idrizin dhe PDIU-n me “Agimin e Artë”. Në gjithë kontekstin dhe leksikun tonë politik, ne bazohemi tek të drejtat universale, ky është flamuri jonë dhe nuk ka krahasim me një njeri që në themel ka urrejtjen, ksenofobinë, etj. Ai është problemi më i madh i politikës greke, që ka kaluar trauma të mëdha të demokracisë ndër vite.  Babai i Kristo Papasit ishte major i juntës së kolonelëve, nuk ka një ekuivalencë, leksiku është i ndryshëm. Mendoj se shoqëria dhe intelektualët grekë duhet të jenë po aq të ndjeshëm, për të mbyllur këtë të keqe dhe kancer që i ka dhënë të gjithë njerëzimit trauma”.

Pronat e çamëve në Greqi

Përballë pyetjes, “A është kalimi nga një ligj lufte vetëm de jure, i cili mbetet në fuqi në Greqi, në një luftë të vërtetë, nëpërmjet kërkesës për kompensim të pronave dhe të drejtave të tjera të çamëve në Greqi”, Idrizi pyeti: “Realisht, mendoj se është një përqasje e ndryshme nga mënyra se si ne e shohim. Në radhë të parë, të kërkosh reciprocitet dhe dinjitet kombëtar, është në optikën europiane. Traktiati miqësisë, Konventa Europiane e të Drejtave të Njeriut janë në frymën e çështjes çame. Kam parasysh që fshehja e të vërtetës, mohimi i saj, mohimi i kulturës së bashkëpunimit dhe pranimit sjell efektin e kundërt. Aktualisht nuk ka marrëdhënie të mirë mes dy vendeve, ne vetëm duam të kemi, prandaj rezoluta e bën këtë. Kjo është një rezolutë reciprociteti, ndaj ndërgjegjësojmë jo vetëm opinionin publik, por edhe të gjithë politikanët, që janë fshehur nëpërmjet mohimit. Greqia e mohon dhe problemi është aty, por edhe politikanët shqiptarët duhet të ndërgjegjësohen që mohimi i të vërtetave është një krim. Kërkimi i të drejtave të një popullsie të tërë, është një përqasje për të shkuar drejt një paqeje të qëndrueshme. Mbi pronat, pavarësisht nga vlera, ne nuk kërkojmë kompesim, por të gëzojmë të drejtat e mohuara mes dhunës dhe genocidit historik. Po të shkojë prona tek i zoti, edhe ai do të kujdeset shumë më mirë dhe kjo duhet t’i interesojë edhe Greqisë”.

Deklaratat e PDIU-s, ngjashmëria me Gjermaninë naziste

Duke kërkuar ndjesë për krahasimin e ekzagjeruar, gjithsesi Balla pyeti të ftuarin e tij për krahasimet që janë bërë mes tonit të deklaratave të tij me ato të Hitlerit që shante klasën politike të kohës kur ai jeton dhe krahasimet me qëndrimin e Gjermanistë naziste, ndaj pakicës gjermane të Sudeteve në Çekosllovakinë e kohës. “Keni ngatërruar pëerson. E thënë kështu, sapo ju thashë që një e drejtë e mohuar është mirë të mos fshihet, të paraqitet në tavolinë, të shihet nën optikën e Konventës Europiane të të Drejtave të Njeriut. Kemi përballë ndaj një pjesë të vogël të politikës greke, si “Agimi” që flet për ksenofobi, urrejtje dhe antisemitizëm, diçka që unë se kam bërë kurrë. Optika e re që unë pretendoj është një bisedë e civilizuar mbi të drejtën universale të njeriut. Sa për gjermanët, është një histori që e kam dëgjuar, do të doja ta citoja këtu një teori antishqiptare që është artikuluar nga Nicolas Gage. Meqë bëtë këtë pyetje, nuk jam unë, por Kristo Papas, ai i cili ka bërë një shkrim në revistën e partisë, duke thurrur lavde të jashtëzakonshme për komandantin e Nyrenbergut për shfarosjen e hebrenjve. Ky krahasim për mua vjen nga teza e Gages. E vërteta është që gjermanët e Sudetëve nisën luftën dhe u përdorën nga Gjermania, ndërsa çamët, asnjëherë s’kanë nisur ndonjë luftë, as janë vrarë në luftë, por mbeten viktima të genocidit dhe spastrimit deri në 1944-n. Ju kujtoj se ish-Presidenti i nderuar i Çekisë, Vaclav Havel, që në vitin 1993 ka kërkuar falje publike për atë që bënë çekët mbi gjermanët e Sudeteve. Pikërisht, kjo falje është ajo që ne kërkojmë me ngulm”, deklaroi Idrizi.

Sa i shërben nacionalizmi shqiptarëve?

Në vazhdim të intervistës së tij eksluzive, Idrizi u përball me pyetjen se sa i shërben Shqipërisë retorika nacionaliste e PDIU-s, Aleancës Kuqezi dhe deri diku e kryeministrit Berisha. “Unë mendoj se është rasti i Këlnit dhe Strasburgut, ai i Gjermanisë dhe Francës, është shembulli më tipik, si shembulli që Greqia duhet të shohë. i referohem marrëveshjes së Alsasë-Lorenës, dhe i bëj thirrje Greqisë që të marrë shembuj mes dy aktorëve më të mëdhenj të demokracisë në Europë, që pavarësisht kontektstit historik, arritën që të bënin një paqe që i vuri kapak nëpërmjet faljeve publike të shkuarës. Ne këtë kërkojmë, që Greqia të mos mohojë problemin e shqiptarëve, siç kërkojmë nga Shqipëria një shtet me dinjitet dhe reciprocitet me Greqinë”.

Bashkimi i Shqiptarëve dhe ekonomia

Mënyrat e bashkimit të shqiptarëve dhe ekonomia u vendosën në qendër të vënendjes së liderit të PDIU-t, në vazhdim të intervistës. “Aspirata e kombit shqiptar për bashkim kombëtar nuk është vetëm një e tillë, pra një aspiratë, por edhe një detyrim kushtetues. Sigurisht, rrugët dhe projektet e mundësitë na ndajnë. Sigurisht që është jo e udhës që ne t’i shmangemi integrimit europian, kjo është udha e duhur, por në radhë të parë duhet të integrohemi mes nesh”.

Sipas Idrizit, “një vektor determinues për faktorin shqiptar është mbështetja e aleatëve tanë dhe falë tyre kemi arritur suksese të mëdha, si pavarësia e Kosovës, anëtarësia e NATO-s dhe pesha specifike e shqiptarëve i përkthehet asaj reales në Ballkan. Ne nuk mund të ecim në një rrugë që të ecim kundër aleatëve tanë të mëdhenj, por ne nuk flasim dot për bashkimin kombëtar, më falni për shembullin, duke pasur një luftë patatesh në tarifat doganore mes Shqipërisë dhe Kosovës”.

“Faktori politik kudo jetojnë shqiptarët duhet të bëjë reagime mbarëkombëtare si në rastin e Preshevës. Shqiptarët kanë nevojë të jenë krenarë dhe patriotë, këto janë vlera që duhet të shoqërojnë jetën e institucioneve shqiptare, si një vektor që të shtyjë përpara. Ekonomia është e pastrukturar dhe prodhuesit tanë s’janë konkurrues dhe kjo është pika e radhë se bashkimit kombëtar”, shtoi Idrizi, i cili gjykon se bashkimi nuk mund të arrihet pa një bashkim paraprak ekonomik.

“Sot ka programe që flasin për qindra mijëra vende pune. Në Francë, në fushatën e kaluar të Sarkozy dhe Hollande, praogramet ndaheshin për 100 mijë vende dhe po flasin për një shtet 70 milionësh. Ajo që duhet të bëjmë është një punësim real, një treg më i madh, prej shtatë milionë shqiptarësh është e vetmja zgjidhje që e ofron këtë. Duhet të nisim një debat publik për profilin e ekonomisë sonë, të biem dakord që avantazhet tona, si përshembull turizmi dhe bujqësia. Kjo dakordësi duhet të shndërrohet më pas në program qeveritare, e mandaj të nxisim të njëjtin debat në Kosovë, etj. Ekonomia e Shqipërisë dhe Kosovës duhet të jenë komplimentare, edhe për energjinë, ne me hidro ata me tece, por s’mund të jemi dot një shoqëri e bashkuar, nëse ekonomia vazhdon të zhvillohet në mënyrë spontane dhe pa një sens zhvillimi”.

Rezoluta çame

Shtetit për reciprocitet, shoqëria dinjitet dhe ëshstë shumë më pak për konjukturë elektorale.  Prej dy vitesh, parlamenti shqiptar nuk ka funksionuar dhe edhe sot, rezoluta është i fqinjësisë së mirë, dinjitetit dhe reciprocitetit. Ne kërkojmë vetëm atë që na takon dhe kjo ka nevojë për dakordësi politike. Ne nuk po e cojmë për referendum popullor, diksuh që e mendon se kjo ka efekt elektoral, le ta votojë dhe të tregojë patriotizëm real. Bëmë një punë të jashtëzajkonshme për të kthyer nga harresa një kauzë që ka të bëjë me dinjitetin e të gjithë shqiptarëve dhe mendojmë se cështja është e të gjithë shqitparëve … dëshirojmë dhe duhet të kalojmë në të vërteta historike, të kapërcejmë mbi to dhe atëherë do të kemi me të vërtetë fqinjësi të mirë.

Kërkesa e ambasadorit grek për mosvotimin e rezolutës

I pyetur për deklaratën e ambasadorit grek, që bëri thirrje për mosvotimin e rezolutës çame në Parlamentin Shqiptar, Idrizi deklaroi: “Unë e kam thënë në një studio, që sapo jam njohur me këtë deklaratë, e kam quajtur ndërhyrje në punët e brendshme dhe po e deklaroj, unë së shpejti do të kërkoj një seancë pyetje dhe interpelancë me ministrin e Jashtëm, që për hir të vërtetës, i jemi mirënjohës dhe e vlerësojmë për qëndrimet direkte që ka mbajtur pas shumë kohësh një ministër i Jashtëm, për të hapur me reciprocitet të gjitha çështjet. Ministri ynë i Jashtëm, në mënyrë direkte ka hapur dy çështje, shqiptarët e Çamërisë dhe heqja e ligjit të luftës, një rudiment i pakonceptueshëm mes dy vendeve tona dhe që nuk duhet të ekzistojë më. Patriotizmi dhe identiteti kombëtar janë një nevojë e domosdoshme për Shqipërinë”.

Memorialet çame në Greqi

Dy pika të rezolutës çame kërkojnë ngritjen e dy lapidarëve që do të përkujtojnë të vrarët, mundësinë e ngritjes dhe përkujdesjes për varrezat çame, “ish-qytetarë grekë të vrarë në genocid”. Këto janë pika që realisht e vështirësojnë aprovimin në Parlament dhe pritet të ngjallin një reagim të ashpër të Athinës. “Ne besojmë dhe ky është instrumenti, jo fshehja, por hapja, reciprociteti do të na cojë në fqinjësi të mirë. i referohemi dy pikave, sot ka shumë pak varreza çame, ndonëse 20% e kësaj popullsie u shfarros brenda një jave, si varreza e hebrenjve në Selanik. Të kërkosh për këtë  është e para njerëzore, kur ka varreza hebrehe në mes të Gjermanisë. A mund të ekzistojë një përmendore në Igumenicë për Napolon Zervën që masakroi një popullsi të tërë që edhe Departamenti Amerikan i Shtetit protestoi kur iu desh të bëhej ministër? Ne këtë e kemi quajtur turp. Si është e mundur që shteti shqiptar, të mos kërkojë një përmendore përkujtimore për shqiptarët dhe ndërkohë në Shqipëri ka sot katër varreza ushtarësh grerkë, që janë jashtëzakonisht të dëmshme dhe të tepruaar. Ky është flamuri ynë, reciprociteti. Për më tepër, këta ushtarë ishin pushtues dhe s’duhen të kenë asnjë nderim”.

Kompromisi i mundshëm për rezolutën

I pyetur për mundësinë e modifikimit të rezolutës për ta bërë atë më të pranueshme, Idrizi deklaroi: “Kërkoj mirëkuptimin tuaj dhe të teleshikuesve, kur them se ne nuk bëjmë pazar. Ne kemi gati argumente të pakundërshtueshme në bazë të studimit dhe besojmë se çdo pikë e jona qëndron, por e dimë shumë mirë edhe se rezolutat më të mira nuk kanë dalë nga ata që e kanë inicuar. Jemi të gatshëm ta pasurojmë në Parlament, aty ku ka nevojë të bëhet në rafsh më e pranueshme, por jo duke hequr pika. Ne e kemi propozuar, por ky dokument do të dalë si një rezolutë e Parlamentit Shqiptar”.

Zoti Idrizi tha se rezoluta mbi Çamërinë është e mirëmenduar dhe në përputhje me traktatin e miqësisë që kemi me Greqinë që nga vitit 1994, por edhe me ligjet dhe konventat ndërkombëtare që si Shqipëria ashtu edhe Greqia i kanë nënshkruar. Idrizi kërkoi heqjen e ligjit të luftës nga pala greke. Sipas tij, ky ligj mbahet qëllimisht në fuqi që prej vitit 1940, për t’u mohuar të drejtën e pronës shqiptarëve çamë.

Idrizi: Është një rezolutë e mirëmenduar edhe me asistencë ligjore ndërkombëtarë. Bazohet mbi atë c’ka tha Berisha, mbi ligjin e 1994. Ka një ligj që e shpall 27 qershorin si Ditë e Genocid ndaj Çamëve. Kuadri ligjor ka të bëjë me traktatin e miqësisë. I jemi referuar frymës së traktatit të miqësisë, dy konventave europiane për të drejtat e njeriut. Kam shkuar në shumë studio televizive duke thënë që ligji i luftës ekziston. Ligji i luftës mbahet në fuqi për cështje pronësore. Sot ka një arsye konkrete pse mbahet ky ligj, ajo e pronësisë.

A ka presion ndaj mazhorancës për të votuar rezolutën?

Shpëtim Idrizi: Ne jemi parti e cila në radhë të parë ka cështjen kombëtare jo si retorikë. Ne i jemi referuar si një të drejtë universale e të drejtave të njeriut. Unë do të refuzoja politikisht dhe personalisht atë që nuk bashkëohet me një cështje të drejtë që kërkon zgjidhje. Jam gati të hapim rezolutën mbi pikën e saj, preambulën e saj me cdolloj arsyetimi. Dinjiteti dhe reciprociteti i shqiptarëve prevalon mbi gjithcka. Duhet një qasje e ndryshme se si Shqipëria dhe Greqia duhet të kenë ndaj njëra-tjetrës. Greqia na e ka bërë borxh përshkak se nuk kemi patur deri më sot një shtet që të kujdeset për identitetin e vet kombëtar. Unë nuk ushtroj asnjë presion. I drejtohem Kuvendit të shqiptarëve, gjithë shqiptarëve. S’mund të ushtroj presion mbi deputetët, mazhorancën dhe opozitën. Edhe mazhoranca edhe opozita do ta votojnë këtë rezoluta sepse teksti i saj shpreh aspiratat e shqiptarëve bazuar në të drejtën ndërkombëtare. Ka qenë një diskutim i vazhdueshëm mes PDIU dhe PD për censusin dhe kemi arritur të amendojmë ligjin për censusin me valvulën e sigurisë ballafaqimin e të dhënave dhe gjobitja për mashtrim. Politika duhet të korrigjojë gabimet në 20 vitet e fundit, qoftë edhe në 2004 kur nuk u votua rezoluta çame.

Marrëdhënia me PD dhe aleancat zgjedhore

Shpëtim Idrizi: Ne jemi në një botë interaktive. Gjatë gjithë qendrimit tonë, përvec një momenti në zgjedhjet lokale, nuk kemi asnjë marrëveshje me Partinë Demoratike. Për të gjitha ligjet, sidomos ato të integrimit ne kemi mbështetur mazhorancën, përvec kur ligjet bien ndesh me parimet tona, si varrezat e ushtarëve grekë. Ne kërkojmë të spikasim sa më shumë me programin tonë për të konkurruar brenda mazhorancës. Kjo është një mazhorancë që ka 60 e ca deputetë përballë 2 deputetëve tanë.

Kreu i PDIU-së foli edhe lidhur me mosjetësimin e programit të partisë së tij për ngritjen e Ministrisë së Emigracionit dhe Diasporës, por edhe për postet e përftuara nga bashkimi me mazhorancën. Në këtë poste vihet re që asnjë detyrë që të lidhet drejtpërdrejtë me cështjen çame, nuk i është besuar PDIU-së. Për këtë, zoti Idrizi tha: “PDIU nuk mund të ishte një parti e krijuar mbi një komunitet, por është e gjithë shqiptarëve. Në zgjedhjet e fundit, 40 përqind e votave janë marrë në Has, Kukës, Tropojë, Shkodër. Që cështja çame të ishte cështje e të gjithë shqiptarëve, ne duhet të ishim të hapur me të gjithë shqiptarët. Ka patur një diskriminim të vazhdueshëm që nga 1950 e deri më sot ndaj komunitetit çam. Rezoluta është kontributi ynë në qeveri. Sa i përket Ministrisë së Diasporës e kemi ende në program, sepse kemi rreth 37 përqind të popullsisë në emigracion”.

Një ndër ndarjet e mëdha mes së mazhorancës dhe opozitës është sistemi i taksimit. PD mbështet taksën e sheshtë, ndërsa PS e quan atë të padrejtë që favorizon të pasurit dhe ndëshkon shkallën e mesme e të varfër të popullsisë. Socialistët zotohen se do të heqin taksën e sheshtë dhe do të vendosin atë progresive në rast të marrjes së pushtetit. Por cili është qendrimi i PDIU-së në këtë debat?

Shpëtim Idrizi: Mendoj që për shkak të profesionit dhe përvojës, gjithë shqiptarët duhet të dinë se opozita nuk po flet për sistemin në tërësis të taksës. Ne e kemi patur taksë të sheshtë për koorporatat dhe progresive për të ardhurat personale. Është shpejt të jap një shpjegim, sepse teoria është e paplotë, edhe nga ana e opozitës. Taksa e sheshtë është në momente krizash, por një ditë të bukur do të kthehet në taksë progresive. Por kjo nuk është ndarje ideologjike.

Aleancat – poli i tretë

Më 23 qershor mbahen zgjedhjet e përgjithshme parlamentare. Dy koalicionet kryesore, si majtas ashtu edhe djathtas janë ende në konfigurimet përfundimtare të tyre. Por kohët e fundit është përfolur për një “Pol të tretë”, një koalicion mes partive që kanë zgjedhur të mos i bashkohen asnjërit krah. Ndër këto parti duket se është edhe PBDNJ e Vangjel Dules. Vetë Dule në një intervistë për emisionin “Shqip” shmangu aleancat me “partitë nacionaliste” që sipas tij nxitin destabilitet. Sa janë mundësitë që PDIU të jetë në një koalicion me PBDNJ?

Shpëtim Idrizi: Deklarimi i një njeriu i cili unë i jam bashkuar kauzës së të drejtave të minoritarëve. S’jam deklaruar asnëjherë kundër tyre dhe s’kam pse deklarohem. Jam ndjerë shumë keq kur ky njeri, duke shkuar shpesh në Greqi takon ata të Agimit të Artë, vjen e na tregon ne Bashkimin Europian. Kjo parti ka patur një figurë për t’u vlerësuar, sic ishtë Vasillaq Melo. PDIU nuk ka problem të bëjë aleancë me kauzat e minoritetit shqiptar, por nuk mundem të bashkohem me një njeri që ditën e shfarosjes së çamëve i gjithë Kuvendi u ngrit në këmbë, ky rrinte ulur. Duhet ndarë minoriteti nga Vangjel Dule.

Pas përjashtimit të bashkimit në një aleancë me PBDNJ, zoti Idrizi sqaroi pozicionin që do të mbajë PDIU në lidhje me Polin e Tretë.

Shpëtim Idrizi: Sa i përket polit të tretë, që kemi parë të hyjnë e dalin parti të ndryshme. Besoj që të gjithë partitë politike kanë të drejtë, për shkak edhe të kurthit të sistemit zgjedhor, të eksplorojnë mundësira se ku të rrisin valencën për kauzat. Edhe ne vetë po eksplorojmë. Sistemi është deformuar që në fillim nga dy partitë e mëdha dhe nuk ka atë që quhet barazi të votës, ndaj partitë e vogla dhe të mesme do të eksplorojnë mundësinë e Polit të Tretë dhe të katërt, për të parë mundësinë edhe për të vendosur një balancë, që s’ka qenë asnjëherë në politikën shqiptare.

Idrizi sqaroi edhe pozicionin kundrejt Aleancës Kuqezi  dhe Partisë Socialiste. Kjo e fundit futi së fundmi në programin e saj çështjen çame. Kreu i PDIU-së tha se kjo parti vazhdon diskutimet, por do të përcaktohet më qartë pas votimit të rezolutës në Kuvendin e Shqipërisë.

Shpëtim Idrizi: Unë nuk përjashtoj asnjë parti sic ju thashë. Ne jemi në mes të diskutimeve. Jemi duke eksploruar në një dinamikë edhe mbi votimin mbi rezolutën. Momenti i dytë që ne po vlerësojmë ka të bëjë me atë forcë politikë që mbështet programin tonë. Futja e cështjes çame është në dinjitetin e Partisë Socialiste. Edhe partitë e tjera e kanë në program. Unë jam në kontakt me faktorin politik shqiptar, me të gjithë, përvec zotit Dule që nuk jam në kontakt.

Pyetjes se PDIU ndodhet më pranë Ramës, Berishës apo Metës, Idrizi iu përgjigj se ishte në barazlargësi me të tre dhe ritheksoi se qendrimi do të rishqyrtohet pas votimit të rezolutës dhe në bazë të qendrimit të gjithësecilit prej tyre karshi saj.

Lëvizje pas zgjedhjeve?

Mbi mundësinë e një lëvizje post-zgjedhore, Idrizi tha se nuk mund të vendoste i vetëm për këtë dhe se kjo do t’i takonte strukturave të partisë.

Shpëtim Idrizi: Ky është një pozicion që nuk mund të jetë më personal. E theksoj që unë nuk jam ndarë me Edi Ramën, unë jam bashkuar me kauzën time që e kam mbrotjur edhe kur isha tek Partia Socialiste dhe absolutisht duhet kuptuar.

Top Channel