Berat, 26-vjeçari plagos të atin
14/01/2013 00:00
Krimi në familje për pak sa nuk ka shkaktuar një tragjedi në qytetin e Beratit. Një 26-vjeçar ka qëlluar me thikë babain e tij duke e plagosur atë.
Aleko Pisku, banor i lagjes “30 Dhjetori” në orët e para të mëngjesit mësohet se është qëlluar disa herë me thikë në pjesë të ndryshme të trupit nga djali i tij.
I plagosuri u transportua me urgjencë në spitalin rajonal të qytetit ku mori ndihmën e parë mjekësore, e më pas është drejtuar në Spitalin Ushtarak në Tiranë për një mjekim më të specializuar.
Policia ka nisur hetimet për zbardhjen e ngjarjes së rëndë, ndërsa raporton se në pranga ka përfunduar autori i sulmit, Hajdar Pisku. Dyshimet e para janë se 26-vjeçari ka qëlluar të atin pas një debati për motive të dobëta.
Top Channel