Kavaje, grabitet karburanti
20/01/2012 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një vjedhje me armë ka ndodhur në orët e para të ditës së enjte në një nga pikat e karburantit përgjate aksit rrugor Kavajë-Rrogozhinë.
Burime nga vendi i ngjarjes bëjnë të ditur se grabitja ka ndodhur në Lekaj të Kavajës.
Dy persona të maskuar dhe të armatosur me automatik kanë përfituar nga nata dhe lëvizjet e reduktuara në rrugë dhe i janë drejtuar ambjentit ku qendronte punonjësi i pikës së karburantit.
Nën kërcënimin e armës e kanë detyruar të hapë kasafortën ku ndodhej një pjesë e vogël e xhiros ditore. Pasi kanë marrë një shumë prej afro 105 mijë lekësh të vjetra, dy grabitësit kanë shkrehur automatikun në ajër dhe janë larguar me një makinë që i priste disa metra më larg.
Agjentet e anti-krimit të Kavajës kanë kryer veprimet e para proceduriale dhe po punojnë për zbardhjen e grabitjes dhe identitetin e autorëve të saj.
Top Channel
