Përmbytjet, Zardari kthehet në Pakistan
10/08/2010 14:30
Presidenti pakistanez Asif Ali Zardari është kthyer në vendin e tij të gjunjëzuar nga përmbytjet, pas një turi ndërkombëtar që u shoqërua me një valë kritikash.
Kritikët ishin të inatosur me presidentin pasi ai nuk ndodhej në vend për të mbikëqyrur përgjigjen e qeverisë ndaj katastrofës dhe vazhdoi vizitën e tij në Evropë teksa situata përkeqësohej.
Pritej që zoti Zardari të vizitonte disa nga zonat e përmbytura, por zyra e tij deklaroi se ai ka zhvilluar një seri mbledhjesh që kur u kthye në vend dhe nuk ka më në plan për t’i vizituar sot ato zona.
Kombet e Bashkuara deklarojnë se 1600 persona kanë humbur jetën nga përmbytjet shkatërruese, ndërkohë që 14 milionë të tjerë janë prekur nga ato.
Top Channel