Në ditët e ardhshme Roberto Mancini do të publikojë listën e futbollistëve të grumbulluar për ndeshjet e radhës së kombëtares italiane në Nations League me Francën dhe Belgjikën që do të luhen respektivisht në 12 dhe 15 nëntor.
Në total, lista pritet të jetë më e shkurtër në krahasim me atë për impenjimet e periudhës shtator-tetor, me rreth 26-28 futbollistë.
Këtë radhë, edhe për shkak të dëmtimeve dhe faktit që kombëtarja italiane e U21 e siguroi kualifikimin për evropianin e vitit të ardhshëm, Mancini mund të marrë nën urdhrat e tij disa lojtarë të rinj. Është konfirmuar prania e emrave të tillë si Kayode, Ahanor, Doumbia e Romano, të cilëve do t’iu bashkohen edhe Pisilli e Koleosho, që janë lënë të lirë nga trajneri i U21, Baldini. Por risia e madhe mund të jetë prania e Alphadjo Cisse i Milanit që ka befasuar në fillimin e këtij sezoni me paraqitjet e tij nën urdhrat e Amorim. Po kështu në skuadër pritet të jetë një mes Lulli dhe Bartesaghi, ndërsa për Ndour është e vështirë.
Problemi i vërtetë te Italia janë mungesat për shkak dëmtimi. Zoma nuk do të thirret nga Mancini, po kështu do të qëndrojnë në shtëpi edhe Kean, Raspadori, Scamacca, Di Lorenzo, Locatelli, Buongiorno, Chiesa e Leoni, të cilëve iu shtohet edhe Raimondo që shpresonte në një grumbullim me Të Kaltrit përpara se të dëmtohej në sfidën me Torinon.
Po kështu te Italia do të ketë edhe kthimë të rëndësishme siç është ai i Zaniolos, Cristantes e Retegui, por mund të ketë edhe një surprizë si ajo e Lorenzo Amatucci, 22 vjeçari që është në radhët e Deportivos.
Top Channel
