Ishulli norvegjez që donte të shfuqizonte kohën, çfarë zbuloi BBC shtatë vjet më vonë 28/10 18:53
Skema e ngjyrave
Madhësia e shkrimit
Komisionerja evropiane për zgjerim, Marta Kos, ka deklaruar se Serbia do të përballet me vështirësi në rrugën drejt anëtarësimit në Bashkimin Evropian nëse nuk përafrohet me politikën e jashtme dhe të sigurisë së Unionit, veçanërisht sa i përket Rusisë dhe luftës në Ukrainë.
Duke iu përgjigjur pyetjes nëse Serbia mund të anëtarësohet në BE pa vendosur sanksione ndaj Rusisë, Kos theksoi se përafrimi me qëndrimet e Unionit për çështjet strategjike është i rëndësishëm për përparimin në procesin e integrimit evropian.
“Nuk do të jetë e mundur që një vend që nuk përafrohet me ne për çështje me interes strategjik, siç janë politika e jashtme dhe ajo e sigurisë, përkatësisht lufta e përbashkët kundër Rusisë, veçanërisht në kontekstin e luftës ruse në Ukrainë, të përparojë. Kjo do të jetë shumë, shumë e vështirë”, deklaroi Kos për TVP World.
Megjithatë, komisionerja evropiane bëri të ditur se Bashkimi Evropian ende nuk ka nisur bisedimet me qeverinë e re të Serbisë për këtë çështje.
“Prandaj, fillimisht duhet të formojnë qeverinë e re dhe më pas do të shohim se si dhe nëse do të mund të vazhdojmë më tej në këtë fushë”, u shpreh ajo.
Deklaratat e Kos nënvizojnë rëndësinë që BE-ja i kushton përafrimit të politikës së jashtme dhe të sigurisë së vendeve kandidate me atë të Unionit, në një kohë kur qëndrimi ndaj Rusisë dhe luftës në Ukrainë mbetet një çështje e rëndësishme në marrëdhëniet mes Brukselit dhe Beogradit.
”Winning of the Student List could be a new start for Serbia on the European path,“ said Marta Kos [@MartaKosEU], European Commissioner for Enlargement, in a special interview with TVP World’s Marcin Zaborowski [@MaZaborowski].
Kos said that the students’ demands are “what we are demanding from Serbia in the accession process.”
Watch the full interview: https://t.co/VWTarYqzX3
— TVP World (@TVPWorld_com) October 27, 2026
Top Channel
