“Haaland te Reali, Donnarumma te rivalët”/ Inteligjenca Artificiale parashikon eksodin e Manchestser Cityt nëse ‘Qytetarët’ marrin dënimin e rëndë

06/10/2026 16:20

Një rrëzim i mundshëm i Manchester City-t nga Premier League mund të shkaktojë një eksod masiv të yjeve të skuadrës, ndërsa klubet rivale do të përpiqeshin të përfitonin nga situata.

Sipas një parashikimi të bazuar në inteligjencën artificiale, Real Madrid do të ishte fituesi i madh në tregun e transferimeve.

Manchester City vazhdon të jetë në qendër të një prej çështjeve më të mëdha ligjore në historinë e Premier League. Një komision i pavarur e ka shpallur klubin fajtor për shkelje të rënda të rregullave financiare të kampionatit gjatë një periudhe nëntëvjeçare, ndërsa City ka mohuar akuzat dhe ka apeluar vendimin.

Nëse apeli i klubit dështon, Manchester City mund të përballet me një sërë sanksionesh, që mund të përfshijnë zbritje pikësh, gjoba dhe, në skenarin më ekstrem, përjashtimin nga elita e futbollit anglez.

Një rënie në Championship do të mund të kishte pasoja të mëdha edhe për organikën e skuadrës. Në një skenar të tillë, shumë prej yjeve të City-t mund të kërkonin largimin.

Sipas parashikimit të AI, Real Madrid do të ishte klubi që do të përfitonte më shumë, me gjigantët spanjollë që mund të tentonin transferimin e deri në tetë lojtarëve të Manchester City-t.

Në krye të listës është Erling Haaland, i cili prej kohësh lidhet me një transferim te Real Madridi. Sulmuesi norvegjez shihet si një prej objektivave kryesorë të klubit madrilen për të ardhmen.

Në Madrid mund të përfundojë edhe Phil Foden, ndërsa lista e lojtarëve të parashikuar për t’u transferuar te Real Madrid përfshin gjithashtu Enzo Fernández, Ayyoub Bouaddi, Abdukodir Khusanov, Vitor Reis dhe Josko Gvardiol.

Një tjetër emër është Mateo Kovačić, i cili mund të rikthehet në Santiago Bernabéu.

Manchester United kërkon të përfitojë nga rivali

Edhe Manchester United mund të shfrytëzojë situatën e rivalëve të qytetit.

Sipas parashikimit, “Djajtë e Kuq” mund të transferojnë deri në pesë lojtarë të City-t, mes tyre Gianluigi Donnarumma, Elliot Anderson, Matheus Nunes, Nico O’Reilly dhe Rico Lewis.

Donnarumma dhe Anderson janë përmendur më herët si objektiva të mundshëm të United, ndërsa Nunes mund të përdoret në krahun e djathtë të mbrojtjes.

Liverpool pritet të jetë një tjetër klub që do të tentonte të përfitonte nga një situatë e tillë.

Sipas AI, në “Anfield” mund të transferohen Marc Guehi, Antoine Semenyo, Rayan Aït-Nouri dhe Ruben Dias. Veçanërisht Dias do të ishte një përforcim i madh për mbrojtjen e Liverpool-it.

Ndërkohë, Arsenal mund të tentojë transferimin e Jeremy Doku, duke e sjellë në “Emirates” për të luajtur nën drejtimin e Mikel Artetës.

Ku mund të transferohen lojtarët e Manchester City-t?

Sipas parashikimit të AI, kjo është lista e plotë e destinacioneve të mundshme:

Gianluigi Donnarumma – Manchester United

Marc Guehi – Liverpool

Elliot Anderson – Manchester United

Ayyoub Bouaddi – Real Madrid

Enzo Fernández – Real Madrid

Rayan Cherki – Paris Saint-Germain

Phil Foden – Real Madrid

Jeremy Doku – Arsenal

Antoine Semenyo – Liverpool