Irlandë-Izrael, sërish tensione përpara ndeshjes, kaos në konferencën për shtyp në prag të sfidës

Në prag të sfidës së dytë mes tyre që do të luhet në fushë neutrale në Serbi dhe me dyer të mbyllura, duke qenë se në Dublin u rrezikua për protesta, konferenca për shtyp e trajnerit Heimir Hallgrimsson u ndërpre në mënyrë të ashpër teksa trajneri po iu përgjigjej pyetjeve të gazetarëve me Hallgrimson që më pas e përkufizoi si sulm verbal.

Një gazetar izraelit solli në vëmendje incidentin me “prapavijë terroriste” të ndodhur pak ditë më parë në bordin e një fluturimi të Flydubai nga Emiratet e Bashkuara Arabe drejt Izraelit, përpara se t’i kërkonte trajnerit të komentonte mbi “personat që ai mbështet, ideologjia e të cilëve bazohet në vrasje”.

Këtu ndërhyri një drejtues i Federatës Irlandeze që u përgjigj në vend të trajnerit: ‘Sot nuk iu përgjigjemi pyetjeve të këtij lloji, vetëm futboll’.

Një tjetër më pas pohoi se futbollistët irlandezë i quajtën ata izralitë majmunë gjatë ndeshjes, por funksionari i Federatës Irlandeze e ndërpreu duke thënë: ‘Nuk është aspak e vërtetë’ dhe i hoqi mikrofonin gazetarit duke e mbyllur përpara kohe konferencën për shtyp që rinisi në një sallë tjetër, por pa praninë e gazetarëve izraelitë.

Ditën e enjte, gjatë sfidës mes Irlandës dhe Austrisë në Aviva Stadium të Dublinit, publiku hodhi në fushë dhjetëra topa tenisi, disa me ngjitës me ngjyrat e flamurit palestinez dhe me hashtagun #StopTheGame duke e detyruar arbitrin të ndërpresë për pak kohë sfidën. Pak çaste më vonë, një tjetër manifestues hyri në fushë me një flamur palestinez. Protesta u pasua nga një manifestim jashtë stadiumit me pjesëmarrësit që i kërkuan kombëtares irlandeze që të mos e luajnë ndeshjen e dytë kundër Izraelit.

Top Channel