Vendimi i Hagës për liderët e UÇK-së, Karamuço në ‘Top Story’: “Hambar” me spiunë që dëshmuan, një lojë e Serbisë

Karamuço u shpreh se ‘Specialija’ u krijua për t’i bërë qejfin Rusisë dhe, sipas tij, në këtë mes është loja ruso-sllave.

“Shumica e dëshmitarëve janë spiunë të deklaruar të asaj kohe, të hetuar në atë kohë, sepse pati një gjë: gjatë luftës u hapën disa regjistra, u morën edhe të dhëna për bashkëpunimin me forcat serbe dhe BIA-n.

Ata spiunë që u dyshuan e përfunduan misionin e tyre duke dhënë dëshminë në Hagë.

E gjitha është një lojë e Serbisë.

Ajo gjykatë u krijua për t’i bërë qejfin Rusisë dhe aty është loja ruso-sllave. Ka pasur një strategji që në fillim për të korrigjuar gabimin e Boris Jelcinit, që e la Kosovën…

Dhe kemi një hambar të madh me spiunë. Madje, disa spiunëve që nuk i kemi dekonspiruar akoma, u kemi kënduar edhe këngë.

Nëpërmjet këtyre spiunëve është tentuar të paraqitet lufta sikur lufta çlirimtare ka qenë luftë civile. Dhe për këtë ka qenë një ushtri e tërë njerëzish të gatshëm për ta çuar deri në fund misionin, për t’i vënë pas hekurave. Dhe 90% kanë qenë shqiptarë.

Kjo është gjëja më e shëmtuar. Këta dëshmitarë janë sekretë. Zemra e Vuçiçit dje kërkonte maksimumin, por asnjë serb në gjithë këto vite nuk është dënuar.

Vetëm dy nga këta mund të dalin gjallë. Po këto i kalkulojnë këta?

A kemi pasur ne diplomaci të ndezur me të gjithë motorët për këtë çështje? Absolutisht fare. Në festat kombëtare, ambasadorja e Kosovës nuk i flet ambasadores shqiptare.

Më shumë Albini shkon në Maqedoni sesa në Shqipëri. Për hir të kësaj lufte duhej ta kishim bërë një sakrificë.

Prokuroria kishte marrë librin e Jakup Krasniqit, “Kthesa e Madhe”, një monografi letrare, dhe e kanë paraqitur si provë. Edhe drejtuesi politik, edhe ai i zbulimit, edhe udhëheqësi paskan qenë bashkë edhe për të vrarë, edhe për të torturuar”, u shpreh Karamuço.

Top Channel