Tragjedi në Kaukaz/ Orteku godet një grup prej 33 alpinistësh, të paktën 11 të vdekur

Orteku goditi të dielën grupin e alpinistëve në Grykën Bezhengi, në rajonin Kabardino-Balkaria, duke i zënë në befasi. Gjashtë persona kanë mbetur të plagosur, ndërsa gjashtë të tjerë rezultojnë ende të zhdukur.

Sipas autoriteteve ruse, 10 alpinistë kanë arritur të zbresin në mënyrë të sigurt nga zona pas ortekut.

The moment an avalanche came down in the mountains of Kabardino-Balkaria

A mass of snow that descended from an altitude of 5,000 meters buried a group of 15 climbers in the Bezengi Gorge.

According to preliminary data, seven people were killed.

Official EMERCOM reports from… pic.twitter.com/DsHHN6bXo5

— Russian Market (@runews) September 7, 2026

Pamje të publikuara në mediat sociale tregojnë momentin kur një re e madhe dëbore zbret me shpejtësi përgjatë grykës, duke mbuluar zonën.

Operacioni i kërkim-shpëtimit vijon në vendngjarje. Sipas Ministrisë së Emergjencave, 56 ekipe shpëtimi janë angazhuar për kërkimin e personave që rezultojnë të zhdukur.

Gryka e Bezhengit ndodhet në Kaukazin Qendror dhe është e rrethuar nga disa prej majave më të larta të rajonit, të cilat arrijnë lartësi nga 4,000 deri në 5,200 metra mbi nivelin e detit.

Zona është gjithashtu e njohur për akullnajën mbresëlënëse të Bezhengit dhe konsiderohet një nga destinacionet më të rëndësishme për alpinistët në Kaukaz.

Top Channel