Harry Kane ka zbuluar një nga cilësitë që, sipas tij, e bën Luis Díaz një futbollist të veçantë dhe një partner ideal në sulmin e Bayern Munich.
Sulmuesi anglez ka folur me superlativa për kolumbianin, duke vënë në pah një aspekt të lojës së tij që shpesh mbetet në hije përballë driblimeve dhe aksioneve spektakolare.
Sipas Kane, pika e fortë e Díaz është mënyra se si ai lëviz dhe futet në zonën kundërshtare, duke u pozicionuar në momentin e duhur për të përfituar nga pasimet, topat e rikuperuar dhe hapësirat e krijuara.
“Ajo që më pëlqen më shumë tek Lucho është mënyra se si hyn në zonë. Këta gola të përmbajtur janë thelbësorë. Duhet të jesh i pozicionuar mirë në shtyllën e largët dhe të shfrytëzosh rikuperimet. Kjo është pikërisht ajo që Lucho bën shumë mirë”, ka deklaruar Kane.
Pavarësisht disa kritikave në fillimin e sezonit, Kane ka mbrojtur shokun e skuadrës, duke theksuar se bashkëpunimi mes tyre dhe Michael Olise po i jep Bayern një forcë të madhe në fazën sulmuese. Që nga transferimi i Díaz te Bayern, ai dhe Kane kanë luajtur së bashku në 51 ndeshje, ndërsa kanë kontribuar drejtpërdrejt në 13 gola.
Kane ndërkohë mbetet i fokusuar te objektivi madhor i sezonit: fitimi i Champions League. Anglezi theksoi se Bayern duhet të jetë më i vendosur këtë sezon dhe se ndihet në një formë shumë të mirë fizike për të vazhduar të luftojë për trofe.
Top Channel
