Sulmet ajrore përshkallëzohen, Ukraina godet Rusinë, të paktën 3 persona të plagosur 06/09 11:00
Skema e ngjyrave
Madhësia e shkrimit
Rusia ka vijuar sulmet me dronë ndaj Ukrainës gjatë natës, pavarësisht deklaratës së Vladimir Putinit se Kievi nuk do të goditet për 72 orë.
Sipas autoriteteve ukrainase, një person u vra dhe tre të tjerë u plagosën nga sulmet ruse në rajonin e Zaporizhzhias. Viktima është një burrë 74-vjeçar, i cili humbi jetën pas një sulmi me dron. Nga goditjet u dëmtuan edhe ndërtesa banimi.
Sulme u regjistruan gjithashtu në rajonin e Kievit, jashtë kryeqytetit. Autoritetet raportuan zjarre në një zonë të gjerë, të cilat u shuan gjatë orëve të mëngjesit.
Edhe rajoni i Dnipropetrovskit u përfshi në sulmet e natës. Forcat Ajrore të Ukrainës thanë se Rusia lëshoi 108 dronë, ndërsa 82 prej tyre u rrëzuan nga mbrojtja ajrore ukrainase. Sipas autoriteteve, goditje u regjistruan në të paktën 11 zona të vendit.
Ndërkohë, sulmet vijojnë edhe gjatë mëngjesit. Pauza 72-orëshe e shpallur nga Putin për Kievin vjen në një moment të rëndësishëm diplomatik, ndërsa të dërguarit e presidentit amerikan Donald Trump, Steve Witkoff dhe Jared Kushner, pritet të vizitojnë kryeqytetin ukrainas.
Top Channel
