Sulmet ajrore përshkallëzohen, Ukraina godet Rusinë, të paktën 3 persona të plagosur

Sulmet vijnë në një moment të tensionuar, ndërsa në Ukrainë ndodhen të dërguarit e presidentit amerikan Donald Trump, Steve Witkoff dhe Jared Kushner, në kuadër të përpjekjeve diplomatike për përfundimin e luftës.

Presidenti ukrainas Volodymyr Zelenskyy kishte deklaruar më herët se Kievi ishte i gatshëm të shmangte sulmet ndaj territorit rus gjatë vizitës së delegacionit amerikan. Megjithatë, ndërsa Rusia kreu sulme në disa zona të Ukrainës gjatë natës, autoritetet ruse raportuan gjithashtu sulme ukrainase.

Në rajonin e Rostovit, rënia e mbetjeve pas rrëzimit të dronëve shkaktoi dëme dhe plagosi të paktën tre persona. Sulmet sollën gjithashtu vonesa të konsiderueshme në qarkullimin e trenave.

Ministria ruse e Mbrojtjes deklaroi se sistemet e mbrojtjes ajrore rrëzuan më shumë se 250 dronë ukrainas gjatë natës. Zhvillimet tregojnë se, pavarësisht përpjekjeve për një pauzë të përkohshme të sulmeve në kuadër të misionit diplomatik amerikan, luftimet dhe goditjet ajrore vazhdojnë në të dyja anët.

Top Channel