Një nga lëvizjet më të papritura dhe më intensive të kësaj merkatoje verore kishte protagonist mesfushorin francez, Youssouf Fofana.
Lojtari është larguar zyrtarisht nga Milani në orët e fundit, duke u huazuar te Sevilla në Spanjë deri më 30 qershor 2027.
Por ajo që e bën këtë transferim një “telenovelë” të vërtetë, është prapaskena e ndodhur vetëm pak orë më parë në prag të mbylljes së dritares së transferimeve.
Bllokimi nga një… Fofana tjetër: Youssouf ishte me valixhe në duar për t’u rikthyer në Francë te Olympique Lyon, dhe mes dy klubeve u raportua se ishte arritur marrëveshja. Megjithatë, kalimi dështoi në sekondat e fundit. Arsyeja? Gjithçka u bllokua nga një lojtar tjetër me të njëjtin mbiemër: Malick Fofana.
Efekti zinxhir: Anësori belg i Lyonit ishte në qendër të një negocimi me klubet angleze të Sunderland dhe Crystal Palace. Kalimi i tij në Angli nuk u finalizua brenda kohës së lejuar nga merkato. Duke mos u liruar vendi dhe buxheti i nevojshëm në organikën e klubit francez, afrimi i mesfushorit të Milanit u anulua përfundimisht.
Fatmirësisht për lojtarin dhe kuqezinjtë, drejtuesit gjetën një rrugëzgjidhje alternative në “fotofinish”. Ata arritën gjuhën e përbashkët me klubin andaluzian, dhe Youssouf Fofana tashmë do të provojë një aventurë të re në La Liga.
Top Channel
