Karim Benzema nuk është më një futbollist i Al-Hilal. Sulmuesi francez dhe klubi arab kanë arritur marrëveshjen për ndërprerjen e bashkëpunimit me mirëkuptim, duke bërë që fituesi i Topit të Artë për vitin 2022 të mbetet tashmë një agjent i lirë.
Ky zhvillim vjen pas një periudhe të shkurtër të tij te kjo skuadër, ku zhvilloi 13 paraqitje dhe arriti të dërgonte topin në rrjetë 10 herë. Pavarësisht shifrave pozitive, ardhja e sulmuesit anglez Ollie Watkins duket se i hoqi hapësirat 38-vjeçarit në formacionin bazë, duke përshpejtuar kështu vendimin për një ndarje të parakohshme.
Me daljen e tij si lojtar i lirë në treg, e ardhmja e ish-yllit të Real Madridit është kthyer në një temë të nxehtë. Sipas ekspertit të merkatos, Fabrizio Romano, një rikthim i mundshëm në futbollin europian është përjashtuar plotësisht nga ana e vetë lojtarit. Aktualisht, Benzema ka përpara vetëm dy rrugë. E para është transferimi te një tjetër skuadër brenda kampionatit të Arabisë Saudite për të vazhduar karrierën në Lindjen e Mesme. Ndërsa opsioni i dytë, i cili po përflitet gjithnjë e më shumë, është tërheqja përfundimtare nga futbolli i luajtur, duke i dhënë fund një karriere të jashtëzakonshme. Vendimi përfundimtar pritet të merret në ditët në vijim nga vetë sulmuesi.
Top Channel
