Pasi dështoi në tentativën për të sjellë në Torino, Franck Kessie që në fund kaloi te Atalanta, Juventus nisi lëvizjet këtë fundjavë për gjetjen e një mesfushori tjetër dhe ai që u vu në shënjestrën e bardhezinjve ishte Pape Sarr.
Zonja e Vjetër që kishte gjetur akordin me futbollistin, nisi bisedimet edhe me Tottenham, negociata që patën një fund të lumtur pasi e gjeti edhe akordin me klubin londinez duke mundur konkurrencën e Monaco dhe Besiktas
Pape Sarr transferohet te Juventus me huazim prej 2 milionë euro me detyrim blerjeje për vlerën prej 26 milionë eurosh nëse klubi torinez kualifikohet në Ligën e Kampioneve, ndërkohë që paga e futbollistit do të mbulohet nga Juventusi. Pape Sarr është një futbollist që është në gjendje të kryejë të gjitha rolet në mesin e fushës.
Vitin e kaluar ai ka zhvilluar 26 ndeshje në Premier League me fanellën e Tottenham duke shënuar 2 gola dhe duke dhënë 4 asist. Me kombëtaren senegaleze ai ka marrë pjesë edhe në Botërorin e fundit duke zhvilluar 2 ndeshje.
Top Channel
