Me Gimenez në dalje, Amorim ka mundësi të kufizuara aty përpara. Por në merkato nuk parashikohet asnjë afrim.
Zoti e ruajtë Gonçalo Ramosin. Po, sepse me “Bebote” Gimenez drejt largimit për në Porto (ndonëse pista është ftohur disi), portugezi është në thelb i vetmi qendërsulmues në skuadër së bashku me Francesco Camarda-n; i gatshëm për t’u hedhur mes të rriturve ashtu si Cisse, por ende pak i papjekur për të marrë mbi supe Milanin në rast mungese të ish-lojtarit të PSG-së.
Me tre kompeticione për të luajtur, si do t’ia dalë mbanë Ruben Amorim? Në teori, të paktën deri më sot, rolin e qendërsulmuesit mund ta bënte edhe Rafa Leao (të cilin klubi gjithsesi shpreson ta shesë), por paraqitjet e tij vitin e kaluar në këtë pozicion – një rol që mes të tjerash ai nuk e preferon – janë gjithçka veçse bindëse. Një zgjidhje mund të ishte përdorimi i një “nëntëshi fals” për t’u zgjedhur mes Loftus-Cheek dhe Pulisic, por të gjitha këto ngjajnë me zgjidhje emergjence. Një emergjencë me të cilën kuqezinjtë shpresojnë të mos përballen.
Top Channel
