Juventus dhe Bologna vijojnë bisedimet për Jhon Lucumí, por operacioni për të transferuar qendërmbrojtësin në Torino është shndërruar në një lojë shahu të merkatos së transferimeve.
Klubi emilian e vlerëson kolumbianin 20-25 milionë euro dhe nuk ka ndërmend të ulë pretendimet e tij, kjo edhe për faktin se 20% nga të ardhurat e shitjes së tij do të shkojnë për Genk në bazë të kontratës së nënshkruar me klubin belg që përfshinte edhe klauzolën për rishitjen e lojtarit.
Lucumí, që e ka tashmë një marrëveshje me Juventusin pasi refuzoi destinacione të tjera dhe është në vitin e fundit të kontratës së tij, është në pritje që t’i hapet rruga për t’u transferuar te bardhezinjtë në bazë të premtimit që i është bërë që do ta lejojnë të largohet në rast se në drejtim të tij do të vijë oferta e duhur. Për të kaluar reduktuar hendekun me kërkesën e Bolognas, Zonja e Vjetër ofron rreth 10-15 milionë euro plus bonuse ose përfshirjen e ndonjë futbollisti si Jian Cabral. Por në këtë pikë Bologna hodhi një ide surprizë; përfshirjen në tratativa me huazim të Teun Koopmeiners, një operacion që është i ngjashëm me atë që u pa me dyshen Castro-Dovbyk me Romën; mesfushori holandez do të kalonte te Bologna me huazim për një sezon me klubin torinez që do të paguante rreth 50% të pagës si këmbim me një ulje të lehtë në vlerën e kartonit të Lucumí.
Një faktor që pritet të ndikojë në një lëvizje të tillë është pikërisht Sartori. Ishte pikërisht drejtuesi aktual kuqeblu që e solli Koopmeiners në Itali në kohët kur ishte te Atalanta. Raportet me familjen kanë mbetur të mira, madje Bologna në mënyrë paralele po punon edhe për vëllain e futbollistit, Peer. Pas dy sezonesh jo në nivelet që pritej në Torino, ambienti emilian do të përfaqësonte vendin ideal për të rigjetur rendimentin e kohëve të Bergamos
Tani në këtë pikë për t’u vlerësuar është vullneti i vetë Koopmeiners që ka refuzuar ofertat nga Turqia dhe është në pritje të propozimeve konkrete nga Premier League përpara se të marrë në konsideratë idenë e një transferimi me huazim në Itali. Nga ana e tij Juventusi tentoi të propozojë Cabal për të ulur pretendimin e Bolognas, ndëerkohë që hipoteza Miretti mbetet pezull për shkak të mosmarrëveshjeve për vlerësimin total. Palët do të vazhdojnë të ballafaqohen; Juventusi kërkon të mbyllë gjithçka për mbrojtësin, por çelësi për të arritur objektivin mund të jetë pikërisht kalimi i mesfushorit holandez në Emilia.
Top Channel
