Romelu Lukaku mund të jetë pranë fundit të aventurës së tij te Napoli. Sulmuesi belg ka dhënë sinjale se është i gatshëm të largohet nga kampionët e Italisë, ndërsa interesi i Atlanta United nga MLS po bëhet gjithnjë e më konkret.
Sipas raportimeve të SportMediaset, klubi amerikan po ushtron presion për të bindur 33-vjeçarin të transferohet në Shtetet e Bashkuara dhe po punon për të arritur një marrëveshje me të. Atlanta United e sheh Lukakun si goditjen e madhe të merkatos dhe është e gatshme t’i ofrojë një rol qendror në projektin e saj sportiv.
Nga ana e Napolit nuk ka pengesa për një largim të mundshëm, nëse mbërrin oferta e duhur. Klubi po studion alternativat për repartin ofensiv, ndërsa largimi i belgut do t’i hapte rrugën afrimit të një sulmuesi të ri për sezonin e ardhshëm.
Në ditët në vijim pritet të ketë zhvillime të rëndësishme, pasi Atlanta United dëshiron ta mbyllë operacionin sa më shpejt, ndërsa vetë Lukaku duket i hapur për një eksperiencë të re në Major League Soccer.
Top Channel
