Rëndohet bilanci nga tërmetet shkatërruese në Venezuelë/ Nxirren të pajetë nga rrënojat edhe 70 persona të tjerë, shkon në 5,278 numri i viktimave 21/07 07:31
Skema e ngjyrave
Madhësia e shkrimit
Një sulm me raketa ruse ndaj një anijeje me ngarkesë misri pranë portit jugor ukrainas të Odesës ka shkaktuar vdekjen e 13 personave, njoftuan autoritetet ukrainase.
Sipas tyre, bëhet fjalë për sulmin më vdekjeprurës të javëve të fundit në Detin e Zi.
Marina ukrainase bëri të ditur se forcat ruse goditën me tre raketa lundrimi anijen Golden Leo, e cila lundronte nën flamurin e Guinea-Bissau dhe kishte në bord një ekuipazh nga India dhe Siria. Si pasojë e goditjes, në anije shpërtheu një zjarr i madh.
Një dëshmitar në Odesë i tha agjencisë Reuters se pa re të dendura tymi që ngriheshin nga një anije pranë bregdetit. Më vonë, Reuters konfirmoi se bëhej fjalë për anijen Golden Leo.
Shikoni videon
#BREAKING Another foreign-flagged vessel takes a direct hit from a Russian missile in Odesa port. Enormous fire – the strike appears to have landed squarely on the bridge. No firefighting equipment in sight. Appears planned and targeted. Ships are being picked off like flies on a… pic.twitter.com/Fs7UBayqxD
— Michael Bociurkiw (@WorldAffairsPro) July 19, 2026
Ndërkohë, një tjetër incident serioz u regjistrua në terminalin e Konsorciumit të Gazsjellësit Kaspik (CPC) në Novorossiysk të Rusisë.
Sipas kompanisë EOS Risk, cisterna NISSOS IOS, me flamur liberian dhe në pronësi greke, u godit nga mjete ajrore pa pilot (UAV) ndërsa po ngarkonte naftë bruto.
Raportohet se operacionet e ngarkimit u pezulluan menjëherë pas sulmit, ndërsa anija pësoi dëme të konsiderueshme në akomodim, urën e komandimit, pajisjet e navigimit, sistemet mekanike dhe objektet ndihmëse.
Dy incidentet vijnë në një kohë kur situata e sigurisë në Detin e Zi mbetet tepër e tensionuar, me sulme të vazhdueshme që po prekin si transportin e mallrave, ashtu edhe infrastrukturën energjetike në rajon.
Top Channel
