“Po i testoja, ne kemi qenë gjithmonë pranë tyre”/ Trump nuk i kursen kritikat për vendet e NATO-s: Nuk do vija fare nëse samiti nuk do mbahej në Turqi 07/07 15:26
Skema e ngjyrave
Madhësia e shkrimit
Sekretari i Përgjithshëm i NATO-s, Mark Rutte, deklaroi se Europa është sot një partnere shumë më e fortë për Shtetet e Bashkuara sesa ishte pesë vite më parë, falë rritjes së investimeve në mbrojtje nga vendet aleate.
Gjatë një diskutimi me presidenten e Komisionit Europian, Ursula von der Leyen, në kuadër të samitit të NATO-s në Turqi, Rutte theksoi se aleanca nuk mund të mbështetet më në mënyrë të tepruar te SHBA. “Nuk mund të vazhdojmë të jemi tepër të varur nga Shtetet e Bashkuara. Na duhet një Europë dhe një NATO shumë më e fortë”, u shpreh ai.
Sipas Rutte, një nga prioritetet kryesore të NATO-s është zgjerimi i industrisë së mbrojtjes në Europë, Kanada dhe SHBA, ndërsa shtoi se në disa vende europiane tashmë janë hapur linja të reja prodhimi për pajisje ushtarake.
Ai e cilësoi këtë zhvillim si transformimin më të madh të Aleancës që nga përfundimi i Luftës së Ftohtë. “Europa po merr shumë më tepër përgjegjësi brenda NATO-s. Sot kemi një aleancë të transformuar, ku SHBA ka një partner shumë më të fortë në Europë. Kjo e bën të gjithë NATO-n më të fortë”, deklaroi Rutte.
Deklaratat e tij vijnë në një kohë kur aleatët e NATO-s po shtojnë investimet në mbrojtje dhe po synojnë forcimin e kapaciteteve ushtarake përballë sfidave të sigurisë.
Top Channel
