Deputetët demokratë kanë shmangur konfrontimin me protestuesit paraditen e sotme gjatë seancës parlamentare.
Kamera e Top Channel ka filmuar disa prej tyre, mes të cilëve edhe Oerd Bylykbashi, dhe Isuf Çela, të cilët futen në Kuvend.
Protestuesit duket se i kanë kursyer deputetët e opozitës dhe nuk i kanë goditur me vezë siç bënë me ata socialistë. Ligjvënësit demokratë u shoqëruan vetëm me thirrjet “opozitë e shitur” dhe “Rama në burg, Berisha në burg”.
Por teksa pritej nisja e seancës ata janë larguar nga Godina për tu drejtuar në selinë e PD-së. Pak minuta më vonë opozita doli me një deklaratë se nuk do të ishte pjesë e seancës parlamentare.
“Me urdhër të Edi Ramës, sot narkopolicia përdori lëndë toksike, gaz lotsjellës të skaduar, përdori spray ariu, lëndë piroteknike, topat e ujit, zvarritjen, përgjakjen e protestuesve paqësorë me një egërsi të papërmbajtur”, thuhet ndër të tjera në deklaratën e PD-së.
Top Channel
