Aksident i rëndë hekurudhor në Angli, dy trenë të shpejtësisë së lartë përplasen me njëri tjetrin, raportohet për disa të plagosur 19/06 19:54
Skema e ngjyrave
Madhësia e shkrimit
“Evropianët duhet të jenë në tryezën e negociatave sa herë dhe kudo që zhvillohen bisedime paqeje për t’i dhënë fund luftës në Ukrainë” këto ishin fjalët e Presidenti francez Emmanuel Macron sot.
“Ne gjithmonë kemi mbështetur pikëpamjen se, kur zhvillohen negociata, evropianët duhet të jenë në tryezën e negociatave, sepse kjo është në interes të Evropës”, tha Macron, duke folur ndërsa samiti i BE-së në Bruksel po mbaronte.
Macron shtoi se Antonio Costa mund të merrte pjesë në negociata të tilla, për sa kohë që roli i tij në këtë cilësi është përcaktuar qartë.
BE-ja “nuk është dhe nuk ka ndërmend të jetë ndërmjetës” në negociatat për t’i dhënë fund luftës në Ukrainë, sqaroi Presidenti i Këshillit Evropian, Antonio Costa, duke nënvizuar se BE-ja “është në anën e Ukrainës” dhe do të vazhdojë ta mbështesë atë “gjatë luftës dhe pas luftës”.
Duke iu përgjigjur një pyetjeje në lidhje me kontaktet me Moskën, gjatë konferencës për shtyp që dha menjëherë pas përfundimit të Këshillit Evropian në Bruksel, Costa tha se “për fat të keq nuk kemi shenja të besueshme nga Rusia se ajo dëshiron të marrë pjesë në negociata serioze për momentin”.
Megjithatë, ai shpjegoi se përmes zyrës së tij kërkon të mbajë një kanal diplomatik komunikimi me Rusinë, pasi “nuk mund të mbështetemi vetëm te të tjerët për të interpretuar mesazhet ruse” dhe “BE-ja duhet të jetë në gjendje t’i përcjellë qëndrimet e veta drejtpërdrejt Moskës”.
Presidenti i Këshillit Evropian theksoi gjithashtu se nuk ka “asnjë kontradiktë” ose “konkurrencë” midis aktorëve të ndryshëm të përfshirë në përpjekjet e paqes, pasi rolet e tyre janë plotësuese. Ai nënvizoi se “vetëm Ukraina mund të negociojë në emër të Ukrainës”, ndërsa “koalicioni i të vullnetshmëve” mund të luajë një rol në garancitë e sigurisë. Sa i përket interesave të BE-së, ai theksoi se këto “duhet të mbrohen nga institucionet e BE-së në përputhje me traktatet”.
Costa siguroi gjithashtu se po punon ngushtë me Presidenten e Komisionit Evropian Ursula von der Leyen, duke vënë në dukje se “Unë dhe Ursula punojmë gjithmonë si një ekip”.
Nga ana e saj, Ursula von der Leyen deklaroi se “Ukraina dëshiron paqe dhe Evropa dëshiron paqe”, ndërsa “e vetmja që zgjedh vazhdimisht dhunën është Rusia”. Ajo theksoi se Evropa duhet të jetë “një nga arkitektët e një paqeje të drejtë dhe të qëndrueshme”, me Ukrainën “në rolin e drejtuesit” dhe BE-në në krah të saj.
Top Channel
