Mesfusha e Real Madridit në krizë të thellë, nisin lëvizjet për afrimin e Enzo Fernandez. Lojtari do vetëm “Los Blancos” 01/06 09:08
Skema e ngjyrave
Madhësia e shkrimit
Barcelona ka konfirmuar se i ka dërguar zyrtarisht një ofertë prej 100 milionë eurosh Atletico Madridit për sulmuesin argjentinas Julian Alvarez. Sipas raportimeve të Mundo Deportivo, të mbështetura nga burime të besueshme brenda klubit katalanas, oferta është dërguar përmes drejtorit sportiv Mateu Alemany dhe trajtohet si një operacion normal merkatoje.
Nga ana tjetër, Atletico Madrid ka mohuar ekzistencën e ofertës, duke e cilësuar atë si një “gënjeshtër”. Barcelona këmbëngul se propozimi është real dhe pret një përgjigje zyrtare nga klubi madrilen.
Tensionet mes dy klubeve janë shtuar ditët e fundit, por drejtuesit e Barcelonës nuk dëshirojnë të përfshihen në polemika publike. Burime pranë klubit katalanas bëjnë të ditur se fokusi kryesor mbetet dëshira e vetë lojtarit për t’u transferuar në “Camp Nou”.
Sipas raportit, Alvarez i ka komunikuar Atletico Madridit përmes agjentit të tij, Fernando Hidalgo, se dëshiron të largohet këtë verë për t’iu bashkuar projektit sportiv të Barcelonës. Agjenti është takuar javën e kaluar me përfaqësues të klubit katalanas për të diskutuar mundësinë e transferimit.
Pavarësisht interesimit të Barcelonës, Atletico Madrid mban një pozicion të fortë, pasi lojtari ka kontratë deri në vitin 2030 dhe një klauzolë largimi që raportohet të jetë 500 milionë euro.
Deri më tani, as presidenti Joan Laporta, as drejtori sportiv Deco dhe as trajneri Hansi Flick nuk kanë komentuar publikisht për çështjen Alvarez, ndërsa mbetet për t’u parë nëse Atletico do të hapë negociata për një nga yjet e saj kryesorë.
Top Channel
