Vetëm 24 orë pas dramës dhe lotëve në Puskás Aréna të Budapestit, ku trofeu i Champions League u iku nga duart në sekondat e fundit të penalltive, kampionët e rinj të Anglisë janë rikthyer në shtëpi.
Ndonëse me shijen e hidhur të dështimit europian që ende djeg, skuadra ka gjetur forcën për të ngritur kokën lart dhe për t’u dorëzuar në përqafimin e njerëzve të saj.
Rrugët e Londrës veriore janë pushtuar sot nga një lumë i pafundëm tifozësh, të cilët kanë bllokuar çdo cep për të parë paradën me autobus të hapur të heronjve të tyre. Ky nuk është një festim i zakonshëm, por një çlirim i madh legjitim. “Topçinjtë” po festojnë fitimin historik të Premier Ligës, një trofe madhështor që i mungonte klubit prej plot 22 vitesh.
Scenes in North London as Arsenal begin their Premier League title parade!❤️🔥 pic.twitter.com/GiAQOnzgng
— BBC Sport (@BBCSport) May 31, 2026
Gjatë paradës, lojtarët janë parë të shkarkojnë të gjithë tensionin e grumbulluar në Europë, duke shkëmbyer buzëqeshje, shampanjë dhe duke ndarë momente magjike me fansat që nuk i lanë vetëm për asnjë moment. Futbolli i tillë është: të thyen zemrën të shtunën, por të jep një arsye sublime për të festuar të dielën. Anglia tashmë ka një mbret të ri, dhe ai është kuqezi.
🚨| The Champions of England storm the streets of London. 🏆🚍✨🔴⚪
📹 @PeakSxnti pic.twitter.com/TyqmGvTNzs
— FÚTBOL HUB (@futbol_hubX) May 31, 2026
Top Channel
