“Kaos në Klinikën e Bukurisë”, komedia me Julian Dedën dhe Rudina Dembacaj sjell humor në skenën e teatrit “Bylis”
27/05 12:50
Skema e ngjyrave
Madhësia e shkrimit
Agjencia Kombëtare e Turizmit në bashkëpunim me Ministrinë e Turizmit, Kulturës dhe Sportit organizon për herë të parë TEA Awards 2026, një event që i kushtohet vlerësimit të bashkive, eventeve dhe bizneseve që kanë kontribuar në promovimin e turizmit shqiptar përmes platformës digjitale TEA.
“Ajo që nisi si një kalendar eventesh, sot është shndërruar në guidën digjitale të Shqipërisë turistike, një hartë inteligjente ku gjendet e gjithë oferta turistike e Shqipërisë. Suksesi i vërtetë është se Shqipëria po mëson të lexojë veten përmes të dhënave, të kuptojë çfarë kërkon vizitori dhe të krijojë strategji moderne për të ardhmen e turizmit”, tha drejtoresha e Agjencia Kombëtare e Turizmit, Zana Çela.
Gjatë mbrëmjes, u prezantua asistentja virtuale e TEA-s, që synon të forcojë rolin e teknologjisë në zhvillimin e turizmit.
Bazuar në analizën e të dhënave konkrete të aplikacionit TEA, u ndanë 35 çmime kryesore, ku bashkia me më shumë evente rezultoi Shkodër dhe më i pëlqyeri Karnavalet e Shkodrës.
Qyteti që ka organizuar më shumë evente të eksperiencave autentike është Gjirokastër.
Duke u bazuar te impakti konkret që përdoruesit e aplikacionit kanë krijuar te publiku, u vlerësuan edhe bizneset, koncertet dhe festivalet e preferuara, që kanë dëshmuar ndikimin e inovacionit digjital në zhvillimin ekonomik, kulturor dhe turistik të vendit.
Top Channel
