Kombëtarja shqiptare do të nisë zyrtarisht grumbullimin dhe përgatitjet për dy ndeshjet miqësore të muajit qershor ndaj Izrael dhe Luksemburgut më 1 qershor.
Federata Shqiptare e Futbollit ka publikuar programin e skuadrës sonë përfaqësuese për këto dy ndeshje.
Sipas komunikatës së FSHF, gjithçka do të nisë më 28 maj, me shpalljen e listës së lojtarëve të grumbulluar nga trajneri Rolando Maran, në orën 10:00, ndërsa një orë më vonë, tekniku i kuqezinjve do të dalë në konferencën zyrtare për mediat. Seanca e parë stërvitore e kuqezinjve do të zhvillohet më 1 qershor, ndërsa ndeshja e parë miqësore është programuar më 3 qershor, në orën 20:00, ndaj Izraelit.
Sfida e dytë miqësore do të luhet më 6 qershor, në orën 20:00, përballë Luksemburgut. Të dy takimet do të zhvillohen në stadiumin “Air Albania” dhe do të transmetohen në platformën Digitalb.
Top Channel
