Video/ Nuk i dilte pensioni për të jetuar, ish-polici në Turqi merr vendimin drastik gjatë protestës: Jo për paratë, por për dinjitetin tim 28/09 23:00
Skema e ngjyrave
Madhësia e shkrimit
Sulmet e reja në jug të Iranit, të ndërmarra në mesin e negociatave të paqes, u përshkruan nga Pentagoni si akt “vetëmbrojtjeje” dhe jo lufte.
Mesazhi i Uashingtonit duket i qartë nëse Teherani nuk përshpejton arritjen e një marrëveshjeje sipas kushteve amerikane, situata mund të përshkallëzohet dhe të kalojë në një ofensivë më të gjerë ushtarake.
Në të njëjtën kohë, Izraeli ka shtuar sulmet kundër Hezbollahut, pavarësisht diskutimeve që edhe kjo organizatë të përfshihet në marrëveshjet e paqes. Sipas raportimeve, bëhet fjalë për sulme të ashpra, çka tregon se rajoni mbetet larg stabilitetit.
Situata u tensionua edhe më shumë pasi delegacionet diplomatike u larguan nga Pakistani dhe forcat amerikane në Gjirin Persik nisën lëvizje që u interpretuan si përgatitje për një sulm të mundshëm.
Më pas, Donald Trump njoftoi papritur se një marrëveshje paqeje ishte afër, por zhvillimet e fundit tregojnë se negociatat janë ende shumë të brishta dhe larg një zgjidhjeje përfundimtare.
Dy çështjet kryesore që ndajnë palët janë ngushtica e Hormuzit dhe programi bërthamor iranian. Uashingtoni kërkon që Hormuzi të qëndrojë i hapur pa asnjë tarifë dhe që uraniumi i pasuruar iranian t’i dorëzohet SHBA-së për t’u shkatërruar.
Nga ana tjetër, Teherani pranon rihapjen e Hormuzit, por kërkon tarifa të lidhura me çështje mjedisore dhe shmang deklaratat e drejtpërdrejta për uraniumin e pasuruar.
Ka raportime se Irani ka propozuar që uraniumi t’i dorëzohet Kinës, por kjo ide është refuzuar menjëherë nga Shtëpia e Bardhë.
Trump ka shtuar gjithashtu një tjetër kërkesë në negociata: zgjerimin e Marrëveshjeve të Abrahamit, duke kërkuar që vende si Arabia Saudite, Katari, Egjipti dhe Jordania të normalizojnë marrëdhëniet me Izraelin.
Top Channel
