Ukraina blen 16 avionë luftarakë Gripen E nga Suedia, marrëveshje me vlerë 2.53 miliardë dollarë 01/07 07:29
Skema e ngjyrave
Madhësia e shkrimit
Aktivistët e Flotiljes “Global Sumud”, të cilët u ndaluan nga forcat izraelite ditët e fundit në ujërat ndërkombëtare pranë brigjeve të Qipros dhe më pas u dërguan në Izrael, kanë mbërritur në Stamboll, Turqi. Lajmi është bërë i ditur nga agjencia shtetërore turke e lajmeve Anadolu.
Sipas raportimeve, anëtarët e flotiljes, mes tyre edhe shqiptari Baki Goxhaj, janë nisur nga aeroporti Eilat në Izrael me tre fluturime çarter të Turkish Airlines drejt Stambollit, nga ku pritet të vazhdojnë udhëtimin për në vendet e tyre përkatëse.
Ndërkohë, deputeti i Lëvizjes 5 Yje, Dario Carotenuto, dhe gazetari i “Il Fatto Quotidiano”, Alessandro Mantovani, të cilët ndodheshin në një prej anijeve të flotiljes të ndaluara nga autoritetet izraelite, janë rikthyer në Itali mëngjesin e sotëm.
Të dy kanë deklaruar se gjatë ndalimit në Izrael janë përballur me keqtrajtim dhe tortura. Sipas mediave italiane, Prokuroria e Romës pritet të sigurojë videon e publikuar nga ministri izraelit Itamar Ben-Gvir me aktivistët e ndaluar, ndërsa ministri i Jashtëm italian, Antonio Tajani, i ka bërë thirrje Bashkimit Evropian të vendosë sanksione ndaj tij.
Carotenuto dhe Mantovani mbërritën në Itali përmes Aeroportit të Fiumicinos, me një fluturim të rregullt nga Athina. Ata u pritën nga disa përfaqësues politikë dhe aktivistë, mes tyre deputeti i Partisë Demokratike, Arturo Scotto, dhe deputeti i Lëvizjes Pesë Yje, Arnaldo Lomuti.
Në aeroport ishin të pranishëm edhe Francesco Silvestri, Andrea Quartini, Alessandra Maiorino dhe Valentina Dorso. Gjithashtu, Mantovani u prit edhe nga nëna e tij, Maria Gabriella, zëvendësredaktorja e “Il Fatto Quotidiano”, Maddalena Oliva, si dhe aktivisti Tony La Piccirella.
Top Channel
