Manchester City pati një ditë perfekte dhe kjo jo vetëm për meritë të skuadrës së Pep Guardiolës që fitoi Kupën e Anglisë pasi mundi Chelsea në finale me rezultatin 1-0, por edhe për meritë të skuadrës së vajzave që u shpall kampione e Anglisë.
Në fakt skuadra e vajzave e Manchester City e kishte fituar matematikisht titullin përpara 10 ditësh, por vetëm këtë të shtunë e ngritën trofeun, praktikisht në një kohë me atë të FA Cup që ngriti skuadra e djemve.
Një moment emocionues dhuruan Bernardo Silva dhe Pep Guardiola me trajnerin që me një përqafim të gjatë përshëndeti trekuartistin e tij me të cilin kanë fituar dhjetëra trofesh. Ishte pikërisht Bernardo Silva ai që ngriti trofeun e FA Cup së bashku me John Stones që u dorëzua nga Princi William.
Mes tifozëve të pranishëm padyshim që ishin të pranishëm edhe anëtarët e bandës së njohur britanike Oasis, që dihen se janë tifozë të flaktë të Citizens.
Top Channel
