Gjendet dron ushtarak në Lefkada, ushtria greke: Po hetojmë rastin, mister qëllimi i tij 07/05 20:43
Një sulm ajror izraelit ka vrarë djalin e kryenegociatorit të Hamasit në bisedimet e ndërmjetësuara nga SHBA-të mbi të ardhmen e Gazës, tha sot një zyrtar i lartë i Hamasit, ndërsa udhëheqësit e grupit militant zhvillonin bisedime në Kajro që synonin ruajtjen e armëpushimit me Izraelin.
Azzam Al-Hayya, djali i Khalil Al-Hayya, nuk i mbijetoi plagëve të marra, pasi u godit në një sulm izraelit mbrëmjen e djeshme, thanë zyrtarë të shëndetësisë dhe të Hamasit. Ai ishte djali i katërt i kreut të Gazës në mërgim që u vra në sulmet izraelite.
Zyrtarët e shëndetësisë dhe ministria e brendshme, të drejtuar nga Hamasi thanë se të paktën tre oficerë policie u vranë dhe njerëz të tjerë, përfshirë një polic, u plagosën kur një sulm ajror izraelit shënjestroi një postë policie në qytetin perëndimor të Gazës.
Ushtria izraelite tha se goditi një qendër komande të Hamasit në Rripin verior të Gazës, duke vrarë disa militantë që ndodheshin brenda saj. Ushtria shtoi se militantët po vepronin për të “përparuar dhe kryer sulme terroriste” kundër forcave dhe civilëve izraelitë.
Reuters ka raportuar se Izraeli ka intensifikuar sulmet e tij ndaj forcës policore, të drejtuar nga Hamasi në Gaza, të cilën grupi militant e ka përdorur për të forcuar kontrollin e tij në zonat që kontrollon në Rrip.
Top Channel
Gjendet dron ushtarak në Lefkada, ushtria greke: Po hetojmë rastin, mister qëllimi i tij 
