Frikë për shpërthimin e rezervuarit me kimikate të rrezikshme në Kaliforninë Jugore, lëshohet urdhër evakuimi për mijëra banorë 24/05 22:39
Irani ka paralajmëruar se do të ndërmarrë sulme ndaj forcave amerikane nëse ato përpiqen të hyjnë në Ngushticën e Hormuzit, një nga rrugët më të rëndësishme detare në botë për transportin e naftës.
Deklarata vjen pas njoftimit të Donald Trump për një operacion që synon të sigurojë kalimin e anijeve në këtë zonë strategjike.
Sipas gjeneralit Ali Abdollahi, çdo forcë e armatosur e huaj që afrohet apo hyn në ngushticë do të konsiderohet objektiv, “veçanërisht ushtria agresive amerikane”. Ai theksoi se Irani e ka bërë të qartë në mënyrë të përsëritur se Ngushtica e Hormuzit është nën kontrollin e forcave të tij dhe çdo kalim duhet të koordinohet me autoritetet iraniane.
Nga ana tjetër, ushtria amerikane ka bërë të ditur se operacioni i saj do të mbështetet nga një forcë e konsiderueshme, përfshirë shkatërrues me raketa të drejtuara, mbi 100 avionë luftarakë dhe rreth 15 mijë trupa në terren.
Operacioni, i quajtur “Projekti Liri”, synon të garantojë lirinë e lundrimit në këtë korridor kyç detar.
Ngushtica e Hormuzit konsiderohet një pikë nevralgjike për tregtinë globale të energjisë dhe çdo përshkallëzim në zonë mund të ketë pasoja të gjera ndërkombëtare.
Top Channel
