“Projekti Liria”/ Trump i hap rrugë operacionit të ri në Hormuz, mundëson kalim të sigurt për anijet e vogla që nuk janë të përfshira në konflikt 03/05 22:56
Aeroplani që transportonte kryeministrin spanjoll Pedro Sanchez drejt Armenisë bëri një ulje emergjente në Ankara, për shkak të një problemi teknik të paparashikuar gjatë fluturimit.
Avioni qeveritar, me destinacion Armeninë, ku pritet të zhvillohet Samiti i Komunitetit Politik Evropian, u detyrua të ndërpresë itinerarin dhe të ulet për arsye sigurie.
Sipas informacionit të dhënë nga Sekretariati i Komunikimit i qeverisë spanjolle, procesi u zhvillua pa probleme dhe nuk u raportuan lëndime apo incidente mes pasagjerëve.
Delegacioni spanjoll do të qëndrojë përkohësisht në Ankara, ku janë aktivizuar protokollet për raste të tilla. Udhëtimi drejt Armenisë pritet të vazhdojë sapo të zgjidhet problemi teknik.
Pedro Sanchez pritej të merrte pjesë në Samitin e Komunitetit Politik Evropian, ku liderë nga e gjithë Evropa do të diskutojnë çështje të bashkëpunimit, sigurisë dhe energjisë.
Top Channel
