Për herë të dytë në historinë e saj, Leicester do të garojë në League One, pasi edhe matematikisht është rrëzuar nga Championship.
Dhjetë vjet pas mrekullisë dhe fitores së papritur të titullit të tyre të parë në Premier League, Leicester nuk është aspak si skuadra që tronditi Anglinë dhe Evropën. Sezoni i ri do t’i gjejë “Dhelprat” në League One, për herë të dytë në historinë e tyre dhe të parën që nga viti 2009, pasi rënia nga Championship ishte matematikisht e vulosur!
Leicester u ndal në një barazim 2-2 me Hull City në shtëpi dhe do të ndjekë Sheffield Wednesday në Divizionin e Tretë, me Oxford United favoritët për të kompletuar tre të parët. Kujtojmë se ekipit të East Midlands iu hoqën gjashtë pikë për parregullsi financiare, me ankesën që u refuzua disa javë më parë.
Për “Dhelprat”, kjo është rënia e dytë radhazi, pasi ata ranë nga Premier League vetëm vitin e kaluar dhe tani do të gjenden edhe më larg dhomave të ndenjes, duke paguar për gabimet e bëra në vitet e fundit që e kanë distancuar klubin nga suksesi.
Top Channel
