Rektori Artan Hoxha pezullon nga detyra Dekanen e Fakultetit të Drejtësisë, Dorina Hoxha, kush merr drejtimin përkohësisht 22/05 10:44
Shishtaveci, një nga perlat turistike të veriut të vendit, po përballet sot me një realitet krejt ndryshe.
Në vend të peizazheve të pastra që tërheqin vizitorë, zona është përfshirë nga ndotja e mbeturinave urbane, të shpërndara në shumë hapësira.
Situata rëndohet edhe më tej nga mungesa e koshave të mbeturinave dhe shërbimit të rregullt të pastrimit, duke e lënë zonën pa asnjë menaxhim bazë të mbetjeve.
Një tjetër problem shqetësues mbetet infrastruktura. Sipas kryetarit të fshatit Shishtavec, Mehmet Bala, rruga hyrëse e zonës, edhe pse ka pasur ndërhyrje, është dëmtuar dhe vështirëson lëvizjen.
Shishtaveci mban një peshë të rëndësishme në turizmin e Kukësit, por pa ndërhyrje konkrete, ndotja dhe problemet infrastrukturore rrezikojnë seriozisht të ardhmen e tij si destinacion turistik.
Top Channel
